Blogger me by default google Labels, Archive and Search Page ko index kar leta hai jisse duplicate content ki problem hoti hai. Google duplicate content ke against strict action le raha hai isiliye seo benefit ke liye inko search engine se noindex karna hi better hai. Is post mein blogger label, archives, search pages ko noindex karne or google se remove karane ki puri jankari di gayi hai.
Aap blogspot user hai to aapko google search console tools me duplicate content issue hua hoga aur aap usko fix karne ki koshish bhi karte honge. Aap apne blogger blog se labels, archives aur search pages ko noindex kar do problem solve ho jayegi.
Aapke labels, search pages aur archive pages ko noindex na karne par search engine aapke blog ko penalty bhi de sakta hai. Isiliye main aapko suggest karunga ki is tutorial ko follow kar aap inko noindex kar google search engine se remove kar le.
BlogSpot Label, Archive and Search Pages Ko Noindex Kaise Kare
Sabse pahle aap google webmaster tool par jaye aur left sidebar me Search Appearance >> HTML Improvements par click kare. Yaha par aap duplicate content issue dekh sakte hai.
Chaliye ab main aapko blogspot (category and tag) labels, archive and search pages ko noindex karne ke bare me btata hu.
Blogger Label Ko Noindex Kaise Kare?
Step 1:
Blogger labels ko noindex karne ke liye ye steps follow kare.
- Blogger dashboard par jaye.
- Left side me Settings >> Search preferences par click kare.
- Scroll down kare, Crawlers and indexing me Custom robots.txt ke samne Edit link par click kare.
Step 2:
Ab Yes option select kar robots.txt file me ye code add kare aur save changes par click kar setting save kare.
User-agent: * Disallow: /search/labels/
Is tarah se add karna hai.
Robots.txt edit karne ke bad ek bar http://domain.com/robots.txt type se check karke dekh le ki aapke dwara add kiya gaya code add hua hai ya nahi.
Blogger Archive Ko Noindex Kaise Kare
Blogger archive ko noindex karne ke liye aapko archive pages me noindex meta tag attribute add karna hoga.
- Blogger dashboard par jaye.
- Left sidebar me Theme >> Edit HTML option par jaye.
- Ab
<head>tag search kare aur uske bad niche diya code add kare.
<b:if cond='data:blog.pageType == "archive"'> <meta content='noindex' name='robots'/> </b:if>
Code add karne ke bad save theme par click kar setting save kar le. Aap ye screenshot dekh sakte hai.
Ab ek bar aap apne blog ka archive page open kar uska source code dekhe aur confirm kare ki noindex tag add hua hai ya nahi.
Blogger Search Pages Ko Noindex Kaise Kare
Blogger search pages ko google se noindex karne ke liye blog robots.txt me ye code add kare. Kis tarah add karna hai uski process label wale first point me btayi gayi hai.
User-agent: * Disallow: /search?
In 3no settings ko setup karne ke bad ek bar confirm jarur kar le. Aapke ye setting karne ke bad kuch hi dino me google aapke blog ki labels, archive page and search page ko search engine se remove kar dega.
Blogger SEO setting karne ke liye aap ye post padhe,
Agar aapko ye article pasand aaye to ise social media par apne dosto ke sath share jarur kare.
![Blogger Blog Theme Coding Ko Compress Kaise Kare [Fast Loading]](https://www.supportmeindia.com/wp-content/uploads/2018/07/Compress-Blogger-Theme-Coding-360x200.jpg)
