Social Media Par Kabhi Share Na Kare Ye 10 Cheeze

Hum social media par daily online rahte hai or jane-anjane me apni personal information share kar dete hai jo security ke liye khatarnak hai. Kuch aesi personal information hoti hai jo aapko social media sites par share nahi karni chahiye. Yaha main aesi hi 10+ type information ke bare me bta raha hu jo aapko social media par kabhi bhi share nahi karni hai.

Hum social media par itne interested ho gaye hai ki apni personal information like email address, mobile number, credit card, ATM debit card, Job, Home address, Birthday date etc. details online friends ke sath share kar dete hai.

Aap family, friends, friends of friends ke sath sabkuch share karoge to aapko bahut badi problem ho sakti hai. Koi bhi hackers aapki personal data ke sath aapko nuksan pahucha sakte hai.

• Social Media Sites Facebook, Twitter Se Paise Kaise Kamaye

Isiliye aapko pata hona chahiye ki social networking sites par public ke sath kya share karna hai or kya nahi. Is post main aapko btaunga ki social sites par kya kya share nahi karna chahiye.

Social Media Par Kabhi Share Na Kare Ye 10 Tarah Ki Jankari

Agar aap nahi jante ki aapki post ko social media par kaun kaun dekh sakta hai to better hai aap post share hi na kare. Social media use karne ke liye aapko iski basic knowledge hona jaruri hai tabhi aap online safe rah sakoge.

10 thinks jo aapko social networking sites par share nahi karni chahiye. Kuch aesi bate jo aap social media par kabhi bhi sabke sath share na kare.

1. Full Birthday Date

Hum sabko apni facebook timeline par apne friends ke through post ki gayi birthday wishes ke sath love pane ke liye hum apni birthday date public kar dete hai. Scammer ko aapki full details ek jagah se nahi milti hai wo kai jagah se aapki jankari churata hai.

Agar aap yaha real birthday date share karte ho to ye aapke liye danger hai. So kabhi bhi social profile par real birthday date add na kare.

2. Current Location

Bahut se user ye nahi jante ki jab wo social media par post status update or tweet karte hai to uske sath hi unki current location bhi public ho jati hai. Apni current location share karna dangerous hai kyuki isse pata chalta hai ki aap abhi ghar par nahi hai.

Aap kab kaha kya karte hai iski jankari kisi ko nahi honi chahiye taki aap or aapki family safe rah sake. Iske liye better hai ki aap social media par current location share karne se bache.

3. Home Address

Agar aap apna home address online share nahi karna chahate hai to aap social media profile me home address ki privacy Only me set kare.

Ye un logo ke liye better hai jinhe khud or khudki family ko criminals se khatra ho. Jaise ki policeman.

4. Real Mobile number

I know aap chahate hai ki aapke friends ko aapko contact karne me problem na ho or iske liye aap unke sath apna phone number share kar sakte hai par socho kya hoga jab aapka mobile number kisi wrong person ke hath lag jayega.

So kabhi bhi social media par apna main contact number share na kare aap iske liye additional phone number ka istemal kar sakte hai.

• Facebook Mobile Apps Se Ab Photo Sync Nahi Kar Payenge

5. Children Name and Pictures

Ye sensitive topic hai par hum sab pane kids ko protect karna chahate hai or unhe duniya ke samne lane se hitkichate hai. Bade bade celebrities aesa karte hai par kuch log aese bhi hote hai jo apne sath apne children ki bhi photos aur names share kar dete hai.

• Twitter Account Me 2 Step Verification Enable Kaise Kare

Main aapko bta du ki aapki kids ki pictures ko sirf aapke family member hi nahi puri duniya dekh rahi hai. I know aap photos ko only friends ke sath share kar sakte hai par kya hoga jab aapke friend ka phone chori ho jaye or usme facebook par logging ho.

Aap friends par believe karke apne bachho ka future khatre me nahi daal sakte. Aap google me search kare girls and boys ki millons pictures mil jayegi wo sab isi tarah leak hoti hai.

6. Relationship Status

Bahut se log social media par apna relationship share karna shan mante hai. Aap married hai to chalega but agar aap girl friend aur boy friend ke sath relation publish karoge to aapke liye danger hai.

Is baat ki koi gaurantee nahi hai ki aapke BF/GF ka family member social media par online ho or agar use is bare me pata chalta hai to aap or aapke partner dono ko problem hogi.

7. Upcoming Vacation Plans

“Main 20 January ko vacation par hu or delhi ja raha hu” Aesi status aur photos social media par daal kar apni security loose na kare. Ek kahavat hai “Aa bhail mujhe maar” ye bilkul wesa hi hai. Ye aapke dushman ko aapki details, location, place btane ke liye kafi hai.

Apni vacation and plans ki picture or status aap wapas ghar lautane ke bad social media par share kare. Restaurant, hotel etc. se apni vacation details live na kare.

8. Bank, ATM & Credit Card Details

Hum social media me itna kho gaye hai ki kai bar social friends ke ath ATM card, bank account details share karne se bhi nahi darte hai. Bank account number, credit card number, ATM PIN etc. sabkuch online shae kar dete hai.

Social media aapki personal data chori na hone ki koi guarantee nahi deta hai yaha aapke sath kabhi bhi kuch bhi ho sakta hai. Aapne news me social account hack hone ke bare me to suna hi hoga.

Kya hoga jab aapka ya aapke us friends ka account hack ho jaye jiske sath aapne bank information share ki hai. Please stop this aur kabhi bhi bank details online share na kare.

9. Selfie with Secret and Serious Place

Aaj ke young people ko selfie lene ka bahut jyada shauk hai or usse bhi jyada shauk hai ajib ajib jagah par selfie lena. Bahut se log apne friends, family ke alawa kuch aese place ki selfie bhi share kar dete hai jo ki nahi karni chahiye.

Aapko apne secret place and serious place ki selfie online share nahi karni chahiye. Example, aap boss ke office me selfie le kar social media par share kar dete hai or boos apne office ko publish nahi karna chahata ho to kya hoga.

10. Online Account Passwords

Hum bahut par apne friends ke sath apne other online account like google gmail ke password and username share kar dete hai. Agar aapke friend ki ID hack ho jaye ya friends ki soch badal jaye to aapke sath bura ho sakta hai.

Kabhi bhi kisi ke bhi sath apne personal aur important account ki details social media par share na kare. Jyada hi jaruri hai to apna kaam hone ke turant bad password change kar le.

11. Exposed and Naked Body Pictures

Ye point is psot me extra hai but sabse important hai. Aaj ke time me youngest people social media par itne kho gaye hai ki apni naked body ki picture share karne se bhi nahi darte hai. Mostly girls and women ko aesa nahi karna chahiye.

Aesi koi bhi picture social media par share na kare jisse aapko future me sharminda hona pade. I know aapke friends par wishwas hai par social media par nahi.

Ye 10 cheeze aapko social media par kabhi bhi share nahi karni chahiye. Agar aapko inke alawa kuch or important jankari hai to aap uske bare me comment section me bta sakte hai.

Ye bhi padhe,

• Bachpan Ki 10 Galtiya Jinka Ehsaas Hume Bad Me Hota Hai

Agar aapko ye post pasand aaye to ise social media facebook, twitter, google+ etc. par apne dosto ke sath share jarur kare.

• फेसबुक पर अपने दोस्त को कैसे खोजें आसानी से