New Year OFFER | Win OPPO Reno7 Pro 5G Mobile for FREE! (
)

Website Aur Blog Me Kya Fark Hai Dono Me Difference Kya Hota Hai

What difference between website vs blog? Website kya hoti hai? Blog kaise banate hai? Website or blog me kya antar hota hai? Blog Vs site dono me kya difference hai? Website or blog me se kounsa better hai. Har ek person in questions ka solution janna chahata hai. Humare dimag me humesha ye bat rahti hai ki website or blog me fark kya hai or hume kya banani chahiye. Is post me mai aapko in sabhi sawalo ke jawab details ke sath btaunga.

What Difference Between Website Vs Blog

Mujhe bachpan se hi apni website banane ka shoq tha. Mai humesha chahata tha ki meri khud ki apni ek website ho. Jis par mai apne thoughts share kar saku or duniya bhar ke logo ke sath jud saku. But jab mujhe website or blog ke bare me pata chala to maine blog banana behtar samajha kyuki website banane ke liye HTML, Javascript, Php, CSS, Java coding language ki information honi jaruri thi. Jabki us time mujhe isme se kisi ke bare me bhi jankari nahi thi. So maine blog banana behtar samajha. Aayiye aaj mai aapko bhi blog and website ke bich ke antar ke bare me ache se bta deta hu. Jisse aap in dono ke bare me sahi se samajh sako.

17 july 2022 ko jab maine blogging me kadam rakha to mere man me ek khyal aaya ki mujhe website banani chahiye ya blog, mere liye ye confusing ka metter ban gaya tha. But jab maine iske bare me pata kiya or kuch other website owner and blogger se disqus kiya to meri sari confusion door ho gayi. Agar aapke sath aaj bhi yahi confusing hai to don't worry is article ko padhne ke bad aapki ye confusion bilkul khatm ho jayegi.

Actually, jab hum kisi blogger ya site owner se iske bare me sawal puchte hai to wo iska sahi jawab na dete huye hume website ki jagah blog banane ki process bta deta hai ya fir wo khud apne man se website ki Interpretation kar deta hai. Jabki aysa nahi hota hai in dono me bahut difference hai or dono ek dusre se bilkul alag hai.

Website Kya Hai? वेबसाइट क्या हैं?

Website banane ke liye aapko HTML, Javascript, Php, CSS, Java coding ki full information honi chahiye. In sabhi se aap ek web page ka construction kar ke website bana sakte ho. Simple bhasha me, HTML, CSS, Java and other coding bhasha se taiyar ki jane wali site ko website kahte hai. Is ko ek ya bahut se blog ke sath compliment kiya jata hai. Website me full function hote hai or usme other site ya business ke bare me page bane hote hai. Is par sirf article nahi likhe jate hai. Mostly, website ko kisi business ke liye banaya jata hai.

Ek website me bahut se blog ho sakte hai. Internet par billion se bhi jyada site hai. Example, facebook ek social networking site hai.

Aapko agar khud website coding nahi aati hai to aap kisi web developer se site banwa sakte ho. Wo aapko 1-5 day me aapki pasand anushar website create and design kar ke dega. Isme kafi kharcha aata hai. Lagbhag aapko 2000-5000 pay karne pad sakte hai. Ye charge aapki site features par depend karta hai. Isiliye website ko खर्चीला कार्य (Expensive task) bhi kahte hai.

Basic identification of a Website - वेबसाइट की पहचान

Generally website blog jaisi ho sakti hai ya fir blog se bilkul alag bhi ho sakti hai. But is me kuch ayse features hote hai jo aapko kisi blog me dekhne ko nahi milte hai.

  1. Website ke home page par other sites, intetrnal pages, products sell pages ya fir kisi business ke bare me likha hota hai.
  2. Iska ka design personaly hota hai or uski alag pahchan hoti hai. Jaise aapne business ke liye koi site banayi hai to uska design aapki company se related hi hota hai.
  3. Ek contact form ya fir online chat service hoti hai apne reader ki help karne or unhe site ke bare me adhik jankari dene ke liye.
  4. Feedback page jis par log website ko or better banane ki advice send kar sake.
  5. Company terms, privacy policy and use conditions ki information.
  6. Eye catching promotion product and services. Jinke liye site banayi gayi hai.

What is a Blog? एक ब्लॉग क्या हैं?

Blog word ka janm Web+log se hua hai jise We blog bhi kaha jata hai. Blog ko only apne thoughts ki post list banane ke liye start kiya gaya tha. Starting me blog par sirf ek hi blogger article likh sakta tha. But bad me ek se adhik author wale blog ka prachaln badh gaya jise " Multi-author blog" kaha jata hai. Multi author blog ko Newspapers, Media markets, Universities, Research institutions, other institutions and similar interest group ke dwara banaya jata hai.

In simple words, Blog par daily post update ki ja sakti hai or blog ke homepage par recent post show ki jati hai and isme sidebar feature hota hai. Sath hi blog articles par commenting system hota hai. Jis par logo ki advice li jati hai.

Blog banane ke liye aapko kisi bhi tarah ki coding ki jankari hone ki jarurat nahi hai. Aap basic information se WordPress, Blogger, Joomla and other blog service provide karne wale kisi bhi blogging platfrom par blog bana sakte ho. Isme aapko pahle se ready templates /themes yani design mil jata hai.

Ek blog par jitna jyada or regularly post content publish kiya jata hai us par utna hi jyada traffic hota hai or utne hi jyada reader us par visit karte hai. Magar ye tabhi ho sakta hai jab aap daily original unique quality content update kare.

Basic identification of a Blog - ब्लॉग की पहचान

Agar aap already ek blogger hai to aapko blog ke bare me jyada kuch btane ki jarurat nahi hai. But fir bhi mai aapko iske bare me kuch tips bta deta hu.

  1. Blog ke home page par jyadatar most recent post content show kiye jate hai.
  2. Blog par ek commenting system hota hai jis par reader apni ray de sake.
  3. Blog ki har post date, category, author and tags se connect rahti hai. Sath hi blog par archive page ka option hota hai.
  4. Bahut se blog me right and left koi ek sidebar hota hai. Jisme blog ki recent post, popular post and other widget add ki huyi hoti hai.
  5. Blog par kisi advertising service ya affiliate se paise kamane ke liye ads lage hote hai. Jaise google adsense.
  6. Blog par humesha SEO friendly article likhe jate hai. Jisse unhe search engine se jyada traffic mil sake.
  7. Blog mostly ek admin dwara handle kiye jate hai.
  8. Blog ka apna ek niche hota hai. Us par ek hi subject par post publish ki jati hai.
  9. Blog ko subscribe karne ki ek feed service hoti hai. Jaise hum blog ko subscribe karne ke liye feedburner use karte hai.

Examples: Supportmeindia, Supportmeworld and Supportmehindi ye WordPress blog hai.

Aapko Website Banani Chahiye Ya Blog:

Agar aap apni website ya blog develop karne ke bare me soch rahe hai to sabse pahle aap ye pata kar lijiye ki aapko coding languages ki kitni information hai or aap kitna payment kar sakte hai.

Agar aap apne kisi business ke liye site banana chahate hai to aapke liye website theek rahegi or agar aap regular post update karna chahate hai or online logo se judna chahate hai to aapke liye blog better service hai. Mai aapko suggest karunga ki agar aap blog ki jagah site banana chahate hai to aap pahle iski coding achi tarah sikh le. Kyuki isme aapko sabkuch generate karna hota hai or isme bahut paise bhi lagte hai.

Blog aap kisi bhi blogging platform par agle do minute me bana sakte ho. Iske bare me mai already article likh chuka hu. Ye post padh kar aap only 5 minute me apna blog bana sakte ho.

In my case, Mai ek WordPress blogger hu, maine WordPress ko isliye choose kiya ki hum is par bane blog ko kabhi bhi website me swift kar sakte hai. Yani ki aap WordPress blogging platform kabhi bhi site bana sakte ho.

I hope aapko is post ko padhne ke bad blog or website ke bich ke antar difference ke bare me achi jankari mili hogi or aapke sare doubts clear ho gaye honge. Agar ha to comment me apne vichar jarur likhe or sath hi is post ko social media par apne friends ke sath share jarur kare.

Avatar for Jumedeen Khan

मैं इस ब्लॉग का संस्थापक और एक पेशेवर ब्लॉगर हूं। यहाँ पर मैं नियमित रूप से अपने पाठकों के लिए उपयोगी और मददगार जानकारी शेयर करता हूं। ❤️

Comments ( 124 )

  1. Can i convert my Blogspot blog in to a WordPress Website?

    Reply

Leave a Comment

×