New Year Giveaway | Get OPPO Reno7 Pro 5G Mobile for FREE! (
)

Social Media Sites Par Apne Business Ko Promote Kaise Kare

Apne Online Business ko Promote karne ka Social Media sabse best aur aasan tarika hai. Yaha main social media ka istemal karke apne business ka promotion karne ke 10 tarika bta raha hu. Aap in tarike ko follow kar social networking sites se apne business ke liye customer find kar sakte ho. How to Promote Your Business on Social Media?

Social Media Pr Business Promote Kaise Kare

Jab bhi hum koi business shuru karte hai to uske liye ek website banana jaruri hota hai taki internet users google search karke aapki company ya product ko find kar sake. Iske alawa social media sites par account (profile and page) banana bhi jaruri hai.

Isse aapko bina koi investment ke internet se 20% to 50% customers mil jayenge aur agar aap social media ka business promotion ke liye sahi se upyog kar lete ho to aapko isse 70% ya 80% traffic mil sakta hai. Jiski jankari aapko is post me mil jayegi.

How to Promote Your Business on Social Media [Hindi]

Agar aap business promotion me social media ka sahi se istemal kar elte ho to aap jo mukam 1 year me hasil karoge wo 6 month ya usse bhi kam time me hasil kar loge. Main yaha social media ko promoting ke liye use karne ke 10 tarike bta raha hu.

1. Choose Right Platform

Sabse pahli aur most important bat ye hai ki aapko business promotion ke liye right platform choose karna hoga. Yaha bahut se social network hai unme se aapke liye kaunsa sahi hai ye choose karna hai.

Simple si bat hai abhi ke time me facebook, twitter sabse jyada active sites hai aur sabse jyada user inka hi istemal karte hai to aapko in par baki social site se jyada focus karna chahiye.

2. Tell Your Story

Jab tak social users ko aapke bare me ya aapke product ke bare me pata nahi chalega tab tak wo aap me interest nahi lenge aur na hi aapko follow karenge. So better hai ki sabse pahle aap apne aur apne kaam ke bare me explain kare.

Aap iske liye apni website par ek article likhe ya fir social site par post kare aur btaye ki wo kyu aapke sath jude aur unhe isse kya fayda hoga. Users ko pata hona chahiye ki aap ek real person ho aur aapka product no.1 quality rakhta hai.

3. Share Customer Review

Jab koi relative aapke ghar khana kha kar jata hai aur dusre logo ko btata hai ki aapki roti (khana) bahut achhi thi to dusre log bhi aapko pasand karne lagte hai. Same wese hi jab koi client aapke product ka positive review karta hai to customer aapki aur attract hote hai.

Apne happy customers ka review social media par share kare aur logo ko btaye ki aapka product kitna best hai. Ye ek proof ki tarah kaam akrega aur jyada se jyada log aapke sath judna shuru ho jayenge.

Iske liye aap apne happy customer ko call/message se product ke bare me 10-15 minutes bat kare aur unhe review karne ke liye kahe. Yaad rahe review 100% true hona chahiye fake ya paise de kar review karne se aapka business increase hone ki jagah dcrease ho jayega.

4. Stop Over- Promoting

Business fail hone ki ek badi wajah hoti hai Over-Promote kuch business owner apne product ka kuch jyada hi prmote kar dete hai. Jarurat se jyada advertising karke wo jyada se jyada customer pana chahate hai. Jabki aesa karna bilkul galat hai.

Aesa karne se log sirf aapko enjoy karenge follow nahi aur finally aapko ignore karna shuru kar denge. Unhe samajh aa jayega ki aap humesha over acting karte hai. Aese me agar aap real review bhi share karoge to audience use fake hi samajhenge.

5. Share Video

India me jab se Jio 4G aaya hai aur internet charges kam huye hai day by day internet users badh rahe hai aur unme se jyadatar log videos dekhna pasand karte hai. Visual content social media ke liye better hota hai, video content customer ko attract karne ke liye better hai.

Apne business ke liye interesting, narrative video create kare aur use social media par share kare. I'm sure aapko best reaction milega.

6. Build a Community

Social media par bahut sare followers pane ke liye aapko community build karni hogi. Isse jo log interested honge wo aapke sath jud sakenge aur apne friends ko bhi invite kar sakenge. For example, aap facebook groups bana sakte hai ya fir speical community bhi bana sakte hai.

Aap community manage karne ke liye kisi ko hire kar sakte hai taki koi uska galat istemal na kar sake. Community e fayda ye hoga ki aapke customer ko koi problem hone par wo direct aapki team se contact kar sakte hai.

7. Ask Question and Contribute to Conversions

Aaj log conversion, shares, retweets, engagement and what's trending par jyada focus karte hai. Example, aapke pas koi product hai to user use kharidne se pahle uske bare me review, log kya bat karrahe hai, video, news search karenge ya fir kisi se uske bare me sawal puchenge.

Logo ko btaye ki aap imandar hai aur unke sawalo ke jawab de, sath hi aapke product ya business ke bare me hone wali batchit me hissa le aur customer ke sath better relation banaye. Agar aap ise achhi tarah se kar lete hai to jin logo se aapne bat ki hai wo aapko follow karna shuru kar denge.

8. Don't Share Same Content Many Times

Kuch log apne business ko promote karne ke liye autopost, tweetbot, comment robots etc. ka istemal karte hai. Lekin aesa karne se unka fayda nahi nuksan hota hai. User unhe spam samajh kar ignore karne lag jate hai. Aapko bar bar same content shae nahi karna hai.

Sabse badi bat aapke customers ko boring nahi honi chahiye aur bar bar same content dekh kar user bore ho jate hai. Aapko chahiye ki aap humesha valuable post, status hi share kare.

9. Focus Local Customers

Kisi bhi business ke success hone me uske aaspas ke logo ka hath jarur hota hai. Jab aap apne field me famous honge to baki jagah bhi aapko pasand kiya jayega. Iske liye aap apne local area me business kare aur jyada se jyada logo ko apne sath jode.

Social media par bhi aapko local area customers mil jayenge aap unse contact kare aur unka support kamaye. I think ye aapke business ke liye bahut hi achha sabit hoga. Search engines aur users dono us cotnent ko pasand karte hai jo apne field me topper ho.

10. Create a Team

Jab aap koi business karte hai aur aapko success milne lagti hai to simple hai aap busy hone lag jaoge aur ek time ke bad aapke pas time bahut kam hoga. Aese me aap social media ke liye ek team bana sakte hai jo aapke business ko social media par promote kar sake.

Ek team na sirf aapke business ko promote kar sakti hai balki aapke customers ke sawalo ke jawab de kar unhe satisfied bhi kar sakti hai. Bhale hi aapko iske liye kitna bhi pay karna pade lekin munafa humesha jyada hi hoga. Sath hi aap social site par advertisement ke through bhi business promote kar sakte hai.

Final Words,

Is tarah se aap social media ka istemal kar apne business ka promotion kar business ko grow kar sakte ho. Agar aap social media ka sahi se istemal kar lete ho to agle kuch time bad aap apne sare competitors se aage hoge.

Aaj ke time me kisi bhi business ka offline promotion ke sath online promotion hona bhi jaruri hai kyuki aajkal har koi internet use karta hai aur youtube videos ya web pages ke through product ke bare me janne ki koshish karta hai.

Ye bhi padhe,

Agar aapko mera ye article pasand aaye to ise social media par share jarur kare taki aur log bhi iske bare me jan sake.

Avatar for Jumedeen Khan

मैं इस ब्लॉग का संस्थापक और एक पेशेवर ब्लॉगर हूं। यहाँ पर मैं नियमित रूप से अपने पाठकों के लिए उपयोगी और मददगार जानकारी शेयर करता हूं। ❤️

Comments ( 22 )

  1. that’s an amazing article

    Reply
  2. Bahut hi achha jankari btaye . Dhanyawad

    Reply
  3. Hello sir
    Sir jab hum kisi bhi prakar ki photo ya content facebook ke pane page par share karte h to uski reach jyada hoti h pr jab koi link share karte h to uski reach kam hoti h aisa kyo hota h face book ki kisi prakar ki algoritham h kya jis se ki link page kam logo tk pahuchti h

    Reply
    • Facebook link, promotion, like, comment wali posts ko downrank kar deti hai.

      Reply
  4. बहुत बढ़िया दोस्त ,बहुत ही आसानी से समझने वाली जानकारी अपने उपलब्ध करवाई | काफी मदद देगा ये पोस्ट और आपका ब्लॉग |

    Reply
  5. Sir aapke blog se jabse padna chalu kiya...life hit ho gai

    Reply
  6. bahut acchi article likhi hai...

    Reply
  7. Bhut hi achi post likhi sir aapne business promot karne ki
    Yah mere liye naya bhi hai or kaam ka bhi
    Thanx

    Reply

Leave a Comment

×