10 Reasons Jinki Wajah Se Visitor Aapki Site Ko Ignore Karte Hai

Website par achha content hone ke bavjud traffic na milna kuch blogger ke liye ek badi problem ban gayi hai. Traffic badhane, audience ko attract karne aur apne blog ko successful banane me bahut struggle karne ke bad bhi jab success nahi milti to blogger demotivated ho jata hai. Is post me main aapko 10+ reasons bta raha hu jinki wajah se log aapke blog ko read, like nahi karne ki jagah ignore kar dete hai. In 10 Wajah Se Visitor Aapki Site Ko Ignore Karte Hai.

In 10 Wajah Se Visitor Aapki Site Ko Ignore Karte Hai

Pichle kuch dino se mere pas kuch message aa rahe hai. Ek friend ne kaha ki "Sir meri website par 50 post hai sabhi uniuqe hai, maine sabhi post ka promotion bhi kiya, backlink bhi banaye lekin meri site par 50-100 visitors hi aate hai, why?"

Actually, quality content likhne, use promote karne aur backlink banane ke alawa bhi aapko bahut kuch karna hota hai. Aapki site me kuch aesi kamiya ho sakti hai jo aapke visitors ko site leave karne par majboor kar rahi hai.

Agar aap un kamiyo ko theek kar lo to log aapki site ko pasand karne lagenge aur bahut jald aapki site ka traffic badhne lag jayega.

10 Reasons Jinki Wajah Se Log Aapki Site Ko Pasand Nahi Karte

Main aapko yaha par 10+ possible reasons bta raha hu jinki wajah se user aapki site lo leave, ignore karte hai. Agar aapki site me inme se koi problem hai to use theek kar le.

1. Your Website is Too Slow

Aapki website bahut slow load hoti hai. Website ka speed up hona visitors aur search engines dono ke liye important hai. Koi bhi user aapki site ke slow loading page ko open karna nahi chahega. Mostly,  visitor 2 second under load hone wali website ko like karte hai.

Yahi wo time hai jisme most visitor aapki site ka load hone ka wait karte hai. Agar aapki site isse 1 second slow load hoti hai to aapko 7% traffic loss hoga.

Oh! ye to bahut kam hai lekin agar hum Amazon ki bat kare to use 1 second delay se $1.6 billion ka loss hoga. I hope you understand.

Now, apni website ko fast loading banana shuru kar dijiye taki aapke audience aapki site ko like karne lage aur aapki site par traffic badhe. Kam se kam aapki site ke homepage ko to fast loading hona chahiye.

2. Website isn't Mobile-friendly

Aapki website mobile friendly nahi hai. Desktop intenret user ki tulna me mobile internet users jyada hai, isiliye sabhi search engine or google bhi mobile friendly website ko jyada attention dete hai.

To kya ye sahi nahi hai ki aapki site 100% mobile friendly honi chahiye. Aapko aesi website build karni chahiye jo har size ki screen device me properly work karti ho.

Mobile me behtar user experience ke aapko aesa karna hoga ki user ko aapki site par content read karne ke liye zoom in out nahi karna pade, matlab aapki site screen size me fit ho. Blog ko mobile-friendly banane me ye articles aapki help karenge.

Apni site ko mobile friendly banane ke bad aap ek bar Mobile Friendly Test tool par check kar le ki aapki site puri tarah se mobile ready hai ya nahi.

Mobile friendly hone ke sath sath aapki site user-friendly aur SEO-friendly bhi honi chahiye taki google search engine me aapki site ko top rank mil sake. Isme ye article aapki help karenge.

Google mobile-first index par jyada focus kar raha hai. Iska matlab mobile me search karne par google us website ko top me dikhayega jo mobile friendly ho.

Agar aap nahi jante hai ki aapki site par mobile user jyada hai ya desktop user to aap google analytics me Audience >> Overview par ja kar iski report dekh sakte hai.

3. Website have Too Many Pop-ups

Aapki website par bahut saare pop-ups hai. I know pop-ups conversion ke liye jaruri hai lekin pop ups ki wajah se user aapki site ko dislike karne lag jate hai. Aesa tab hota hai jab aap pop-ups ka istemal judiciously nahi karte ho.

Aap apni site par SEO ko harm kiye bina judiciously pop-ups ka istemal kar sakte hai. Lekin main aapko suggest karunga ki aap minimum popups ka istemal kare ya fir kare hi na to better hoga.

Agar aapko site par pop ups ka istemal karna hi hai to in 3 tips ko follow kare.

  • Pop-ups ko dismiss karne ka easy option add kare.
  • Returning visitor ke liye pop-ups hide kare.
  • Pop-ups dikhane se pahle readers ko kuch second ke liye content dikhaye.

Koi bhi ek user apni favorite website par bar-bar popups ko dekhna nahi chahata. Main aapko bta du ki google pop-ups ko allow nahi karta.

Google aesi website par bilkul dayalu nahi hai. Isiliye sticky or bina dismiss wale pop-ups ka istemal karne se bache.

4. Auto Playing Video / Audio

Aapki site par auto playing audio/video add hai. I'm sure, hum sabhi music sunna pasand karte hai lekin iska bhi ek time aur jagah hoti hai, har jagah har time hum music like nahi kar sakte.

Yaad kijiye aapne kitni bar loud audio wali websites ko open kiya hai aur aapko kaisa feel hua tha. I think hum auto playing / video wali site ko kuch time tak like karte hai uske bad boring hone lagti hai.

Agar aap kisi public place par aesi site ko open karte ho to auto playing music infiltration ki tarah hoga aur aap uncomfortable feel karenge.

Isse bhi bura tab ho sakta hai jab aapke device me bahut saare tab open hai aur aapki immediately music off karna hai. Believe me, aese me user music off karne ki jagah direct aapki site wale tab ko hi close kar dega aur next time aapki site par aane se bhi darega.

Isiliye kabhi bhi apni site par auto playing audio, video, music song add na kare taki aapki site ko wo visitor ignore na kare jo load music wali site se pareshan hai.

5. Website Design is More Attractive

Aapki website bahut jyada attractive hai. Kisi bhi website ka main focus content ko clearly and pleasantly tarike se present karna hona chahiye.

Many attention calling feature jaise ki GIFs or Animation se bache taki audience easily aur without disturb ke aapki site ka content read kar sake.

Bahut jyada attractive feature wali site first time visitors ko attract jarur karti hai lekin jab unhe pata chalta hai ki aapki site par jarurat se jyada attraction hai to wo aapki site ko hate karne lag jayenge.

Yaha kuch tips hai jo aapko web designing me dhyan rakhni chahiye.

  • Web design simple rakhe.
  • Site feature easily samajh aane wale hone chahiye.
  • White background aur black font color use kare.
  • Kam se kam slider aur ads ka  istemal kare.
  • Font size 16px to 18px rakhe, large font size aur reading problem wale font style se bache.

Aap kisi bhi top and success website or blog ko dekh lo uska deisgn simple hoga aur lagbhag 99% websites par white background aur black font color use hota hai. Aap bhi yahi rakhe, isse user ko kabhi bring nahi hoti hai.

Bahut jyada attractive feature aur beautiful design wali website ko first time visitors to pasand karte hai lekin ad me unhe boring hone lagti hai. So avoid this and simply design us kare.

6. Website have Too Many Ads

Aapki website par bahut jyada advertising ki gayi hai. Kisi bhi website ko run karne ke liye investment aur website owner ko expense ki jarurat hoti hai lekin iska ye matlab nahi hai ki aap site ko ad se full kar do.

Aapki site par ad placement is tarah se kiya jana chahiye ki site visitor ko ads se koi problem na ho aur wo bina pareshani ke aapki site par content read kar sake.

Bahut jyada ad use karne se aesa lagta hai ki ye website sirf earning karne ke liye banayi gayi hai. Site par bahut jyada ads add karne ka matlab site visitors ko site par se bhagane jaisa hai.

Aapki site par traffic na hone ki ek badi wajah bahut jyada ad use karna ya galat ad placement ho sakta hai. Aap kam ad istemal karte ho lekin ad placement sahi na hone par bhi problem hoti hai.

Minimum ad unit ke sath ad placement sahi se kare taki aapki site ki advertising se search engine aur aapki site ke readers ko koi problem na ho.

7. Website Image are Too Boring

Aapki website ki images bahut boring hai. Images kisi bhi website or blog ka major part hoti hai. 1 image 1,000 words ke barabar hoti hai, content writer hone ke naate ye baat apne jarur suni hogi.

Agar aap high quality aur attractive image istemal karte hai to aapka low quality content bhi badiya lagta hai. User site image dekh kar bahut jyada attract hote hai. Ek achhi image post content me 4 chaand laga deti hai.

Lekin agar aap kahi se bhi kisi ki bhi image utha kar apne blog post me add kar dete ho ya fir aapki image design boring hai to user achha content hone ke bavjud aapki site ko leave kar denge.

Aap pexels jaisi free stock image website se apni site ke liye image le sakte hai lekin free stock image humeha better nahi hoti. Sabse better tarika hai khud ki image use kare. For example, aap wikihow site ki image dekh sakte hai.

For example, third quality picture use karna, Image size, text, arrow sahi se set add na karna aapki site ko user ka like na karne ka karan ho sakta hai.

Aap agar 2-3 year se blogging kar rahe hai to aapki site ki image profession honi chahiye na ki ek newbie blogger ki tarah warna log aapko newbie samajh kar avoid karne lag jayenge.

8. Website isn't Secure

Aapki site secure nahi hai. Google chrome browser July 2022, version 68 update ke bad http site ke liye Not secure warning show karne laga hai. Aap google chrome browser me kisi http site ko open karke dekh sakte hai.

Ek newbie user jise HTTP or HTTPS ke bare me pata nahi hai wo not secure dekh kar site ko leave kar sakta hai. Aap apni favorite aur top websites ko dekh sakte hai. Lagbhag sabhi site HTTPS ke sath open hoti hai.

For example, aap meri is website ka URL check kar sakte hai, site HTTPS ke sath open ho rahi hai. Matlab ye website encrypt ki gayi hai aur hum is iste par ssl certificate istemal karte hai.

Http ki tulna me https site jyada secure hoti hai aur ye visitor ko confidence deta hai. Khas kar tab jab wo online transaction, shopping ke liye apna debit card, credit card use karta hai.

Agar aapne abhi tak https enable nahi kiya hai to ab apni website me https enable kar le. Agar aapke pas budget nahi hai to aap free ssl certificate use kar sakte hai, iski jankari yaha hai.

Website me http enable karne ke bad apni site ke all url me http to https replace kar le aur ssl checker or ssllabs site par check kar le ki aapki site ka ssl sahi se work kar raha hai ya nahi.

9. Website have Not Good Content

Aapki website par achha content nahi hai. Ek website sirf uske content ke liye important. Visitor aapke content ko read karne ke liye hi aapki site par visit karte hai. Agar aapki site par achha content nahi hai to koi bhi aapki site ko like nahi karega.

Isiliye aapki site par unique and useful content hona chahiye. Aapki site ka content jitna jyada better hoga audience aapki site ko utna hi jyada pasand karenge, aur aapki har post ka wait bhi karenge.

Quality content ke liye ye terms follow karna jaruri hai.

  • Koi duplicate content share na kare, warna aapki site ko google se penalty mil sakti hai.
  • Kisi ke bhi content ko apni website par repeat karne se bache.
  • Google webmaster tool guidelines follow karke content write kare.
  • Post title jo bhi rakhe uske liye prayapt aur useful information share kare.
  • Post content is tarah se likhe ki user ko boring na ho, heading ka istemal kare.

Iske alawa aapki site par di gayi jankari aapke competitor ki site par di gayi jankari se behtar honi chahiye. Bekar ki jankari wali post share karne se bache aur sirf useful and helpful content hi hare kare.

10. Website Homepage have not Enough Content

Aapki site ke homepage par enough content nahi hai. Jab bhi visitor aapki site open karta hai to wo site homepage ko jarur dekhta hai. Wo site homepage par di gayi jankari se aapki site ko samajhne ki koshish karta hai.

User aapki site ka name, tagline, navigation menu, footer content, footer credit links etc. ka review karta hai. Aese me agar use aapki site ke homepage se prayapt jankari nahi mil pati hai to wo aapki site ko leave kar deta hai.

Isiliye better hai ki aap agar apni site par homepage istemal karte hai to homepage par apni site, tagline, site goal, content categories ki aap kis type ki jankari share karte hai etc. ke bare me jarur likhe.

Taki koi bhi user aapki site ke homepage ko dekh kar hi aapki site ke bare me sabkuch jan aur samajh sake. Agar aap aesa nahi karte hai to behtar hoga ki aap site par homepage use na kare.

Simple aur aasani se samajh me aane wala navigation menu use kare jo dekstop aur mobile dono devices me friendly open hota ho taki reader ko confusing na ho ki aage kaha click karna hai.

Post Summary,

Website or blog par achha content hone, promotion sahi se karne, SEO optimization karne ke bavjud bhi jab traffic nahi mile to samajh lo ki aapki site ko practically optimizing ki jarurat hai.

Yaha maine aapko 10 reason btaye hai jinki wajah se site par traffic na hone ki problem hoti hai. Aap inhe follow kare aur researching kare koi or problem ho to use bhi fix kare. Bade aur professional blogger se is bare me bat kare solution jarur milega.

Blogging aasan nahi hai lekin agar aap seriously work karoge to sabkuch aasan ho sakta hai. Apne blog par content likhne ke sath sath use behtar banane me humesha koshish karte rahna hai, time to time apne blog ki kamiya theek karke update karte rahe.

Kuch or post jo aapko padhni chahiye,

I hope aapko ye article pasand aayega aur isse aapko help mili hogi to ek blogger hone ke nate ise dusre blogger ke sath share karke humari help jarur kare.

Avatar for Jumedeen Khan

मैं इस ब्लॉग का संस्थापक और एक पेशेवर ब्लॉगर हूं। यहाँ पर मैं नियमित रूप से अपने पाठकों के लिए उपयोगी और मददगार जानकारी शेयर करता हूं। ❤️

Comments ( 13 )

  1. Bhai wikipedia hindi ki post ko kaise beat kre jabki us pr content bhi achcha nahi hai hmare blog pr usse kahi jyada achcha content hai
    Tab bhi wikipedia hmari post se uper hai

    Reply
    • इसकी वजह उसकी Domain authority है, आप भी अपने ब्लॉग को डोमेन अथॉरिटी बढ़ाये

      Reply
  2. yah bahut achche tips btaye hai aapne in tips me se kuch par to kaam sahi se kiya par kuch baki hai fir sir post ko rank karana bahut he defficult hai. thanks for sharing information

    Reply
  3. Assalam alaikum ,

    Sir,
    Mere blog ki setting complete hui hai ye kaise samjh me aayega

    Reply
    • W/a dear aap jab setting complete kar lo to kisi se site ka review kara lena.

      Reply
  4. Sir,Ek Sawal Hai Maine Apne Blog Ki Theme ko Change Kiya tha Tab Se Mera Blog Traffic 50% km ho gaya h organic Se,To Ise solve kaise kare ? kya Seo per effect hua h Theme Change karne Se.

    Reply
    • Aapki new theme me seo setup sahi se karo.

      Reply
      • How to setup bro?
        I M Already Added Meta Tags etc Now what i Do?

        Reply
        • Structured Data Testing Tool par apni site ke pages ki coding check karo koi usse ho to use fix karo aur wait karo traffic recover ho jayega. Agar theme ki wajah se hua hai to, traffic down hone ki wajah kuch aur hi ho sakti hai, abhi abhi google update bhi aaya hai.

          Reply
  5. Thnk u sir for this helpful article.. I always remember these point and follow to my blog..

    Reply
  6. Nice bhai ye bahut achi jankari diye hai aap blog ke liye.
    apke sare bato ko mein dhayan me rakuga.

    Thanks

    Reply
  7. Pehle to aapko bahut bahut sukria sir. Mai blogging ke bare Mai bahut confused Tha but aapka article porne ke baad mujhe inspiration Mila... aapka article ek new blogger ke himmat Wala kaam korta hai...aapka article porne ke baad 10 din pehle Maine blog pe start Kiya lekin Mera likh ne ka tarika thik ha ya nahi sir please ekbar check korle li je... mujhe bahut Khushi milegi... please request accept ki je...

    Reply
    • Aapko apni site ka domain change karna chahiye aur top level domain like .com, .net, .org ya fir .in istemal karna chahite.

      Reply

Leave a Comment

×