Computer Screen Ki Light Se Aankho Ko Bachane Ki 10 Tips

Computer Screen Ki Light Se Aankho Ko Bachane Ke 10 Tarike? Aaj ke time me har kaam me computer ka istemal hota hai. Lagbhag har office me computer use hota hai. Agar hum computer laptop par work nahi kar rahe hote hai to apne tablet android mobile, smartphone par email jawab de rahe hote hai, video dekh rahe hote hai ya fir social media par online rahte hai. Iski wajah se humari aankhe kharab ho rahi hai.

Aankhe humare sharir ka sabse ahem hissa hoti hai. Aankho ki roshni thoid si kam hone se hume bahut pareshani hoti hai. Isiliye is post me main aapko computer screen brightness se aankho ko bachane ki 10 tips bta raha hu jinse aap apni aankho ko healthy rakh sakte ho or apne aapko andha hone se bacha sakte ho.

Mobile phone and computer ki screen se nikalne wali roshni (light) aankho ke liye nushankdakyak (danger) hoti hai. Jisse Eyesight ka kam hona myopia (dur ka dhundhla dikhan) or hyperopia (pas ka dhundhla dikhna) jaisi bimari ho jati hai.

• Computer Kya Hai – Computer Ki Puri Jankari Hindi Me
• Off Computer or Laptop Se Apna Mobile Charge Kaise Kare

Aksar sir me dard hona (frequent headache) or dhundhla dikhayi (blurry vision) dena or aankho me se pani aana (watery eyes). Ye aankho ki roshni ke kam hone ka simple example hai.

• Google Analytics Se Site Me Phone Calls Track Kaise Kare

Agar aapko aesi koi problem hai ya fir aap computer user hai to niche btaye gaye tarike aapke bahut kaam aayenge. In tariko ko follow karke aap apni aankho ko kharab hone se bacha sakte ho ot long time tak computer par work kar sakte ho.

Aankho ka khyal rakhna jaruri hai magar aap chahe kuch bhi kar le lekin is digital world me screen ko dekhe bina bahut se kaam karna mushkil hai. Lekin kuch aese tarike hai jinko aap computer ya laptop par kaam karte huye apnaye unki screen se nikalne wali roshni se aankho ka nuksan kam hoga.

Computer Ki Screen Ki Roshni Se Aankho Ko Kaise Bachaye

Normally, aankho ki kam roshni ka ilaaz aapko doctor se hi karna chahiye. Bina doctor ki advice ke koi bhi gharelu nuska istemal na kare.

• Computer Aur Laptop Me Screenshot Kaise Le – 4 Tricks

1. Screen Ko Aankho Se 18 Se 30 Inch Dur Rakhe

Computer ho ya laptop kaam karne se pahle is bat ka dhyan rakhe ki computer ki screen or aapki aankho ke bich ki doori 18 to 30 inch ke bich honi chahiye.

Iske alawa agar aap anti-glare filter glass wala chashma use kare to bahut achha hoga. Isse computer screen se aane wali brightness aapke spectacles ke glass e takra kar ruk jayegi. Regular computer par online rahte ho aapke liye ye jaruri hai.

2. Computer Ke Samne Sahi Tarike Se Baithe

Jaha tak ho sake koshish kare ki computer monitor kisi light ke niche na ho or screen ka upari bhag aapki aankho ke barabar uchai par hona chahiye. Computer screen ko bahut jyada niche ya bahut jyada upar na rakhe.

Computer ke samne kis position me baithna hai uske liye apa ye infographic dekh sakte ho. Aapki aankhe screen ko niche ki taraf dekhni chahiye.

• Mobile Me Install Karne Se Pahle Android Apps Ko Check Kaise Kare

3. Aankho Ko Sukhne Se Bachahye

Aap jab bhi computer par work karo to aankho ko sukhne na de. Bar bar palak jhapkaye or jab aapko lage ki aankhe bahut jyada nam ho gayi hai to aankho ko pani se dho le.

Aap chahe to iske liye Eye drop ka istemal kar sakte hai. Iske liye aap kisi achhe doctor ko apni aankhe dikha kar dawa use kare.

4. Eyes Exercise Kare

Aankho ki exercise karne se aankho ki mashpeshiya lachili (flexible) ho jati hai. Unme khoon ka parwah badhta hai or vision theek hota hai. Ise regular karne se aankho ka tanav kam hota hai concentration bhi badhta hai.

Aankho ki exercise is tariko se kar sakte hai.

Exercise 1:

1. Apni aankho ki putliyo ko clockwise direction me ghumaye. Aesa kuch seconds ke liye kare.
2. Ab inhe anti-clockwise direction me ghumaye. Yani ki jaise aapne pahle ghumayi thi uska ulta karna hai.
3. Is process ko 4-5 bar repeat kare.
4. Har ek round ke bad apni aankho ko jhapkana na bhoole.

Exercise 2:

1. Apni aankho ki palko ko lagar bina ruke lagbhag 20 se 30 bar jaldi jaldi jhapkaye.
2. Ab apni aankho ko band karke unhe rest de.
3. Aesa din me 2 bar karna hai.

Exercise 3:

1. Ek pencil ko hath me vertically sidha aankho ke samne pakade. Pencil bilkul aapki nak me samne dono aankho ke bich me hona chahiye.
2. Ab apna dhyan pencil ki nok par lagaye.
3. Ab is pencil ko dheere dheere aankho ke pas laye or fir door le jaye.
4. Ise rojana kam se kam 10 bar kare.

Exercise 4:

1. Apne se 2-3 meter dur rakhi kisi wastu par nazar lagaye.
2. Starting me aesa 5 minute ke liye kare fir dheere dheere time badhate rahe.
3. Yaad rakhe dhyan lagane ke dauran palke nahi jhapkani hai.
4. Is exercise ko rojana ek bar kuch month tak kare.

5. Sunning and Palming

Sunning or palming bhi aankho ki roshni ke liye faydemand hai because ye aankho ke lens aur ciliary muscles ko flexible and strong banata hai.

Surya me natural healing power hoti hai. jise hum sunning karke receive kar sakte hai. Second palming humare jism me relaxation lati hai or humare senses ko active karti hai.

Sunning Kaise Kare

Subah jab sun east direction me ho to uske samen aankhe band karke baith jaye. Is bich deep breathing karte rahe or apna dhyan palko par aa rahi suraj ki roshni par lagaye. Aesa roj kuch minutes ke liye kare.

Palming Kaise Kare

Apne dono hatho ki hatheliyo ko aapas me ragde or fir inhe apni dono band aankho par gently rakh le. Hatheliyo ko ragadne se paida huyi heat ko apni aankho me mehsoos kare.

Is doran ye dhyan rakhe ki aapki aankhe aapki hatheliyo se puri tarah dhaki honi chahiye. Aankho me bahar se koi roshni andar nahi jani chahiye. Is exercise ko aap din me work ke dauran bich bich me kar sakte hai.

Agar aap ise sunning ke sath karna chahate hai ti pahle sunning uske bad hi palming kare.

6. Acupressure / Acupuncture

Humari aankhe haddiyo ke combination se surrounded hoti hai jinko acupressure ya acupncture points kahte hai. In par aapko halke hath se malish karni hai.

Image me btaye anusar acupressure points par halke hath se 10 minutes ak malish kare. Shuruat point ek se kare or dheere dheere point 7 tak aaye. Ye aapko daily ya fir day me two ya three time karna hai.

1. Apni aankho ke charo taraf halke hath se malish kare.
2. Iske liye oil ki jarurat nahi hai bina oil mashaj karni hai.
3. Yaad rahe aesa karte time aankho par koi jaur nahi padna chahiye.

Note: Pregnant women ise karne se pahle kisi trained therapist se consult kar le. Iske alawa jinki aankho ke ke charo taraf koi scar, daag, jala hua bhag ya koi bhi infection ho to wo vyakti ye na kare.

7. Achhi Nind Le or Jyada Time Tak Na Jaage

Computer par work karne wale ko chahiye ki wo time to time achhi nind le or jyada der tak computer par kaam na kare. Aksar dekha jata hai ki kuch log jinke ghar me PC hota hai. Har time bina kaam computer me lage rahte hai. Kabhi game khelne me kabhi Video movie dekhne me to kabhi internet chalane me.

Agar aap chahate ho ki aapki aankhe healthy rahe or aap bahut samay tak duniya dekhte rahe to aapko ye sab nahi karna chahiye or sirf kaam se hi computer par work karna chahiye.

8. Aankho Ke Fayde Wala Khana Khaye

Hari sabjiya khane se aankho ki roshni badhti hai. Khaskar palak ka istemal kare or bharpur pani piye. Iske alawa baki hari sabjiya or fal fruit ka istemal kare. Hari mirch or kali mirch roj khaye.

Papita aankho ke liye faydemand hai so papita khaye. Apple ka murbba bana kar sevan kare. Main aapko suggest karunga ki aankho ke liye kya khana achha hai iske liye aap kisi achhe se doctor se salah le.

1. Gingo Biloba Herb ek tree hota hai jo china japan or uske aaspas ke elako me paya jata hai. Ye market me capsule, powder, or tea ke roop me aasani se mil jata hai. Iska sevan aankho ke liye faydemand hai.
2. Billberry bhi aankho ke health ke liye faydemand hai. Ye rathondhi ke ilaz me bhi upyog hota hai.
3. Badam (Almond) me omega-3 fatty acids, vitamin E, antioxidants paya jata hai jo aankho ki roshni badhane ke liye upyogi hai.
4. Sauf (Fennel) ka istemal karna aankho ke liye beneficially hota hai.

9. Barefoot Walking Kare

Aapne ye bat jarur suni hogi ki subah subah nage pair os wali ghas par chalane se aankho ki roshni behtar hoti hai. Ye bat 100% true hai or aapko aesa karna abhi se shuru kar dena chahiye.

Har computer users ke liye ye trick beneficially hai. Agar aap computer work karte ho to aapko ye regular karna chahiye taki aapki aankho ki roshni jaldi kam na ho.

10. Apni Aankho Ki Care Kare

Mana ki humari zindagi me kaam jaruri hai magar koi bhi kaam humari zindagi se badh kar nahi hai. Jis din aapki aankhe kharab ho gayi us din aapke liye puri duniya andhere me doob jayegi. So apni aankho ki care kare. Iske liye aap niche btayi bate follow kare.

1. Apne TV ya computer ko aankho ke jyada pass na rakhe. Sath hi computer screen ki brightness ko kam rakhe.
2. Deem ya dhimi roshni me computer par kaam kare.
3. Computer par work karte time har 20 minute ke bad apni aankho ko thoda rest de.
4. Humesha achhi quality ke eye cosmetics istemal kare.
5. Achhi nind le kyuki nind ki kami se aankho par strain badhta hai.
6. Aankho ki roshni badhane ke gharelu nuske apnaye.
7. Regularly hari sabjiyo or fal fruint ka sevan kare.
8. Gazar me vitamin A paya jata hai. Isiliye iska halwa, sabji ya salad bana kar khaye.
9. Subh uth kar aankho par thande pani ke chinte mare.
10. Aankho me jyada problem hone par doctor ko dikhaye.

Inke alawa agar aap google me search karoge ki “Aankho Ki Roshni Kaise Badhaye” to aapko is bare me hazaro post mil jayegi. Jankari le or doctor ki salah se aankho ki roshni badhane wali tips and tricks follow kare.

Conclusion,

Agar aapko pichle kafi time se aankho ki problem ho rahi hai to ise ignore na kare or kisi achhe doctor ke pas ja kar aankho ka ilaz karwaye. Kyuki aankhe humari body ka ahem part hoti hai. Agar aankhe kharab ho gayi to aapki jindagi me andhera chha jayega.

So sabkuch chord kar apni aankho ka ilaz karaye taki aapka future better ho sake. Aap agle kai saalo tak is duniya ko apni aankho se dekh sako.

Jab aap ghar se bahar jaye or bahut jyada dhoop ho to sunglasses ka istemal kare. Isse aankho par suraj ki tej roshni se nuksan nahi hota.

• Computer Mouse Ko Use Karne Ki Top 10 Tips and Tricks
• Computer Me Bad Websites Ko Block and Filter Kaise Kare

Agar aapko ye post achhi lage to ise social media par apne dosto ke sath share jarur kare.