Schema Markup Kya Hai or Ye SEO Ke Liye Kyu Important Hai

Schema Markup Kya Hai or Ye SEO Ke Liye Kyo Jaruri Hai? Is post me hum schema structure data (schema.org) schema markup ke bare me bat karenge or sath hi ye bhi janenge ki schema markup website or blog ke search engine optimization ke liye kyu important hai or iske kya fayde hai. Schema Markup Beginner Guide in Hindi.

Google and other search engines me apni website ya apni blog ki click through rate increase karne ke liye schema markup HTML tags ka site me add karna jaruri hai. Isse aap search engines me post or page search results me extra features display kar sakte ho.

• Google Search Engine Me Top Rank Pane Ki 3 SEO Tips
• SEO Ke Bare Me 10 Jhuthi Bate Jinhe Hum Sach Mante Hai

Beginner blogger or websites owners ko is bare me bahut kam knowledge hoti hai. Ho sakta hai aapne schema.org site visit karke dekhi hogi par aapko schema ke bare me sahi information nahi mili hogi. So aaj is post me main aapko What is Schema Markup and Why It is Important for SEO in Hindi explain kar raha hu.

Schema Markup Kya Hai

Schema (schema.org) ek structure data vocabulary hai jo internet (webpages, email etc.) par entities, actions, and relationships ko paribhashit (define) karta hai.

Google, Yandex, Microsoft, Yahoo etc. kai search engines ne mil kar ise banaya hai. Isiliye ise aap SEO project bhi kah sakte hai. Hume Schema markup ko HTML tags ke roop me apni site me add karna hota hai.

Isse google and other search engine ko humari site structure data ko sahi se samajhne me aasani hoti hai or badle me search engines internet users ke liye better user experience results show karta hai.

Schema markup ka istemal kar aap apni site ko adhik Search Engine Friendly bana sakte hai. Schema ready site hone par search results me us site ke content par jyada clicks hone ke changes badh jate hai.

For example, aap schema markup se search results me apni site ke page me review, rating, votes, date, author etc. dikha sakte hai. Iske liye aap ye screenshot dekh sakte hai.

Apni website ke pages par search engine me ye sab dikhane ke liye aap google search console ke Search Appearance >> Data Highlighter feature ko use kar sakte ho.

Agar aap janna chahate hai ki aapki site schema optimized hai ya nahi to aap Structure Data Testing Tool par ja kar apni site ke pages check kar sakte hai.

Agar aap wordpress user hai to aap apni plugins ka istemal kar site ko schema ready bana sakte ho or agar aap paid theme use karte ho to aapki theme already schema ready hogi. Is bare me main next post me btaunga.

Facebook ka bhi isi tarah ka similar markup hai jiska name Open Graph hai. Jab aap Open graph ko apni site me add karoge to social media sites ko aapke pages ke title, image, description etc. ka pata chalega. Agar aap wordpress user hai or Yoast SEO plugin use karte hai to SEO >> Social feature me facebook ka Open Graph Meta Data or twitter ka Summary with large image option mil jayega.

SEO Markup SEO Ke liye Kyo Important Hai

Ab aapko ye to pata chal hi gaya hoga ki schema kya hai sath hi thoda ye bhi samajh aa gaya hoga ki schema markup ki SEO me kya importance hai. Agar nahi to koi bat nahi main iske bare me bhi details se bta raha hu.

Normally, google and other search engines me humari site ke pages ke title, URL and description hi show hote hai. jabki schema markup use karne se site pages ke title, URL and description ke alawa rating, votes, date, author name, review etc. kai extra feature show hote hai.

Main yaha dono ke screenshot dikha raha hu. jise dekh kar aap decide kar sakte hai ki user kis result par jyada click karenge.

Yaha aap clear dekh sakte ho ki konsa search result more attractive hai or ek new visitor kis par click karna pasand karega. Simply, hum kah sakte hai ki schema markup use karne se organic click through rate increase hogi.

Schema markup ke istemal se site ki search enginne ranking increase hoti hai is bare me main kuch nahi kah sakta but ye search engine se jyada traffic pane ke liye better or important hai.

Schema me ye sab use hota hai.

• Business
• Organizations
• Person
• Place
• Votes
• Rating
• Review
• Events
• People
• Products
• Recipes
• Videos

Iske alawa bhi bahut se features use hote hai jinhe aap google search console ke Search Appearance >> Structure Data feature par ja kar dekh sakte hai.

Is sabse clear ho jata hai ki Schema markup search results me aapki site ke pages ka look better kar click through rate increase karta hai or aapki site ki search engine se adhik traffic generate karne me help karta hai. Ab mujhe ye kahne ki jarurat nahi hai ki schema markup use karne se aapki website or blog ko kya fayda hoga.

Final Words

Ye thi schema markup ki beginner guide jisme aapne schema kya hai or SEO ke liye kyo jaruri hai ke bare me jana aane wale time me main aapko website or blog me schema markup kaise add kare ke bare me btaunga. Agar aapko is post me kuch samajh na aaye ya fir aapko is bare me kuch kahna ho to aap comment me apni bat rakh sakte hai.

Ye bhi padhe,

• Google Me Achi Ranking Pane Ke Top 15 SEO Factors 2024
• Google Me Top Rank Pane Ki Top 10 SEO Tips and Tricks 2024

Note:- Schema markup HTML tags blog me add karna thoda risky hai so iske bare me puri jankari hone ke bad hi iska istemal kare taki aapki site ki search rank ko koi problem na ho.

Agar aapko ye conten pasand aaye to ise social media par dusre blogger or website owners ke sath share jarur kare.