DigitalOcean Cloud Hosting Last 3 Month Review 2024 (Hindi)

DigitalOcean Review in Hindi: ek cloud hosting provider hai jo apni better and reliable cheap hosting ke liye popular hai. Bahut se professional blogger digitalocean cloud hosting use karte hai. Iski hosting service kaisi hai, iski hosting use karne ke fayde or nuksan (pros and cons) kya hai. Is post me hum isi ke bare me janenge.

DigitalOcean Cloud Hosting Review

Main last 3 month se DigitalOcean cloud hosting service use kar raha hu. Is bich mera is hosting ke sath experience kaisa raha hai, Iska support and service, Uptime and Downtime etc. sabke bare me main aapko yaha details se bta raha hu.

Actually, Digitalocean ke internet par itne sare negative review hai ki unhe padhne ke bad aap digitalocean cloud hosting use karne ke bare me sochoge bhi nahi but 2 year ke bad maine isko select kar hi liya or aaj main kah sakta hu ki ye ek best VPS Server cloud hosting provider hai.

To chaliye jante hai ki DigitalOcean ki hosting service kare me jaha main apna last 3 month ka experience share karne wala hu.

DigitalOcean Cloud Hosting Review in Hindi

Mujhe blogging me 2 year se jyada time ho gaya hai is bich maine bahut si hosting try ki but sabhi me koi na koi kami jarur hoti thi. Digitalocean cloud computing ko main last 3 month se istemal kar raha hu or main isse 100% satisfied hu. Janiye Kaise?

1. Pricing

Digitalocean other all cloud hosting providers ki tulna me kahi jyada cheap hosting provide karti hai. Iski hosting service ka price only $5 se start hota hai jo ki $640 tak hai. Price per month ke anusar decide hota hai but droplet ko hourly charge kiya jata hai.

Digitalocean $5 me 512MB Memory, 1 vCPU, 20GB SDD Disk, 1TB Transfer offer karta hai baki aap is screenshot me dekh sakte ho.

Digitalocean cheap pricing

2. Server Location Data Centers

DigitalOcean ke abhi total 12 datacenters hai. Jinme 3 New York, 2 San Francisco, 3 Amsterdam, 1 Singapore, 1 London, 1 Frankfurt, 1 Toronto, 1 Bangalore me hai. Inka fayda ye hai ki aapki location ke aaspas ke datacenter choose karne se content delivery process fast hogi jisse aapki site ki conversion rate increase hogi.

DigitalOcean Datacenters

3. Payment and Billing

Aapko per month 1 tarikh ko payment karna hota hai. Payment Credit Card ya PayPal se hoga. Payment process automatically hai aapko manually kuch bhi karne ki jarurat nahi hai. Har mahine ke bad automatic aapke credit card ya paypal se payment cut jayega. Jiski notification aapko email ke dwara de di jayegi.

Aap chahe to bich me manually pay kar sakte ho. I think paymen ke liye paypal wali process better and secure hai.

DigitalOcean Payment Method

4. Referral Program

DigitalOcean referral program offer karta hai wo bhi kamal hai. Agar koi aapke referral link se hosting buy karta hai to aapko uska commission milta hai. Example, Agar aap kisi ko $10 credit doge to aapko uska $25 milega or

Isi tarah isse jyada commission milega or kha bat ye hai ki iski koi limit nahi hai. Agar aapko monthly 2-5 sell bhi mil jati hai to aap hosting buy karne ke sath isse achhi khasi earning bhi kar sakte ho.

DigitalOcean Referral Program

5. Setup & Install Process

DigitalOcean ke unmanaged virtual private server VPS ko droplet ke name se bulate hai. Aapko iske liye basic technical knowledge hona jaruri hai. Halanki aap one click install method se digitalocean server par one click se WordPress install kar sakte ho.

DigitalOcean par aap apache and nginx koi bhi server run kar sakte ho. Aap apache or nginx kisi par bhi wordpress install kar sakte ho. Apache yani LAMP or nginx yani LEMP, Iske liye aap ye 2 article read kare.

In 2 articles ko read karke aap digital ocean par manually wordpress install kar sakte hai. Inke alawa bhi internet par is bare me kai post and videos mil jayenge.

Aap chahe to Cloudways, ServerPilot etc. project ke through bhi digitalocean ki hosting use kar sakte hai jo 24/7 support provide karte hai but uske liye aapko extra pay karna hoga.

6. Backup

Digitalocena backup ke liye monthly only $2.00 charge leta hai jo weekly aapke data ka backup le kar secure karta hai. Backing up process fully automatic work karta hai, means aapko manually kuch bhi karne ki jarurat nahi hai.

Digitalocean backup

7. Resize Droplet

Hosting buy karne me sabse badi problem hoti hai website par traffic badhne par hosting change karne ki, Iske liye hume new hosting le kar site ko one hosting to another hosting par migrate karna padta hai. DigitalOcean par aapko ye sab karne ki jarurat nahi hai.

Aap jab chaho tab apne droplet ko resize kar sakte ho. Agar aapko sirf space ki jarurat hai to aap hard drive space, bandwidth, memory, price ke anusar droplet resize kar sakte ho. Yani aapko jis product ki jarurat hai sirf wohi buy karo or extra money west hone se bachaho.

Digitalocean resize droplet

8. Security

Apne data ko secure rakhne ke liye jaruri hai ki hosting provider ki security achhi ho. Digitalocean apne control panel or virtual server (droplet) ko secure karne ke liye good level security provide karta hai. Chaliye jante hai isme aap security ke lyie kya kya kar sakte ho.

  1. Two-factor Authentication: Digitalocean account me aap 2 step verification enable kar account ko secure kar sakte ho.
  2. Backup method: Codes: Aap s ste pverification ke alawa backup codes ka bhi istemal kar sakte ho. Agar aapke pas mobile nahi hai ya aapko OTP password nahi mil raha hai to backup code se account access kar sakte ho.
  3. SSH Keys: Har droplet ko access karne ke liye aapko SSH ki ki jarurat padegi. Without SSH Key koi bhi aapke virtual server ko access nahi kar sakega.
  4. Certificates: Digitalocean load balance service ke sath TLS/SSL certificate provide karti hai. Iski jankari yaha hai, Configure SSL Termination on DigitalOcean.

DigitalOcean Security

9. Support and Help

DigitalOcean support team aapki hardware and network failure se related help karegi baki apne virtual server ko aapko khud hi manage karna padega. Aap support team ko ticket submit karoge to response milne 2 days tak lag sakte hai.

Digitalocean ke pas help ke liye big helping tutorial set hai. Jo aapki har tarah se help karega. Droplet create karne se le kar configuration tak sabke tutorials mil jayenge. In October 2024, digitalocean community par 1750+ tutorials available hai.

Finally, main digitalocean ke support ko excellent nahi only good kahunga. Aapko digitalocean par sit run karne ke liye iski basi knowledge honi jaruri hai. Agar aapko support ki jarurat nahi hai to ye aapke liye sabse bette hosting hai.

10. Uptime and Downtime

DigitalOcean 100% uptime service provide karta hai. Ye main isiliye kah raha hu kyuki last 3 month se digitalocean ki service use kar raha hu, is bich maine 1 minute ka bhi downtime nahi dekha. Most popular web hosting siteground ka bhi server down ho jata hai but maine DO ke sath downtime ki problem face nahi ki.

Last 3 month ke experience ke dekhte huye main kah sakta hu ki DigitalOcean 99.99% uptime service offer karta hai.

DigitalOcean Uptime

DO Server fully aapke control me hota hai. Use kab on off karna hai kaise manage karna hai ye aap khud handle karte ho. So iski good service dekhte huye main aapko suggest karunga ki aap DO cloud hosting use kare.

Digitalocean se $10 free credit pane ke liye niche btaye link par visit kare. Isse aapko $5 wale plan ki 2 month ki hosting free me mil jayegi. Iski jankari yaha hai, DigitalOcean Se 2 Month Free Hosting Kaise Kharide.

Myths: Kuch review me aapko iske bare me galat bate milegi jo 1% true nahi hai. Haa, agar aap iski terms and conditions ko follow nahi karoge to aapko problem to hogi hi.

Conclusion

Finally, main last 2 year se kai hosting use kar chuka hu, Hostator, Bluehost, Siteground etc. sabhi hosting use karke dekh li but jitna wo kahte hai wesi service provide nahi karte. DigitalOcean VPS server jo kahta hai reality bhi wohi hai.

Kuch logo ko isme problem hoti hai uski wjaah wo khud hote hai. Main already upar bta chuka hu DO VPS server run karne ke liye iski basic knowledge hona important hai. Uske bina server run karoge to problem hogi hi so iske bare me thodi information le kar starting kare to koi problem nahi hogi.

Agar aapko ye article pasand aaye to ise dusre bloggers ke sath share jarur kare.

Avatar for Jumedeen Khan

by: Jumedeen Khan

मैं इस ब्लॉग का संस्थापक और एक पेशेवर ब्लॉगर हूं। यहाँ पर मैं नियमित रूप से अपने पाठकों के लिए उपयोगी और मददगार जानकारी शेयर करता हूं। ❤️

Comments ( 34 )

  1. Sir, kya digitalocean hosting AdSense wale website k leye acche hai

    Reply
    • Hosting ka adsense se koi lena dena nahi hai. Haa agar aap fast server use karte ho to aapki site fast load hogi aur isse ad click increase honge to ye achha hai.

      Reply
      • Mere site may pichle 4 maine say average daily 1500 user ate hai..
        Es say jyada nahi badthe jitna v new post dalo.
        Kya karna chahiye kya maine cloud use karna chahiye
        Abi mai hetzner ka shared hosting use karta hu sir

        Reply
        • SEO पर काम करो

          Reply
  2. jumedeen bhai kya DO hindi calling support deta hai ya nhi

    Reply
    • नहीं करता

      Reply
  3. google cloud hosting par ek post likhiye sir.

    Reply

Leave a Comment