Windows computer me settings, software etc. kaam ke liye control panel ki jarurat padti hai. Agar aapse koi puche ki windows 10 control panel kaise open kare to aap 1-2 tarike hi bta paoge. Magar aaj me aapko windows 10 me computer cPanel ko open karne ke 1, 2 nahi 5-6 tarike bta raha hu. Jisse aapko computer, laptop me jaruri settings karne me aasani hogi or aap easily control panel ko open kar sakoge.
Windows 8.1 ki tulna me microsoft ne windows 10 me control panel ko redesign kiya hai or isme pahle se jyada options add kiye hai taki users ko settings search karne me aasani ho. Agar aap windows 10 use karte ho to aapko control panel open karne ki default process jarur pata hogi.
- Computer / Laptop Me Screenshot Kaise Le (4 Tricks)
- Computer Me Bad Websites Ko Block and Filter Kaise Kare
Or agar aap new hai or aapko control panel open karne ke bare me kuch bhi nahi pata to koi bat nahi main is post me aapko windows computer me cPanel ko open karne ke ek do nahi 5 tarike bta raha hu. Aapko jo way pasand aaye aap use cPanel ko access kar sakte ho.
Agar aapne new computer liya hai or aapko windows computer ki jankari kam hai to bhi aapke liye ye psot helpful sabit hogi or agar aapko pahle se iske bare me pata hai to bhi aapko koi na koi naya tarika pata chalega.
Windows 10 Me Control Panel Ko Open Karne Ke 5 Tarike
Agar aap windows 7 ya windows 8 istemal karte hai to bhi ye jankari aapke windows 10 use karne par kaam aayegi. Agar aapke pas abhi windows 10 hai to aap inhe abhi try kar sakte hai.
1. Search Box Se Control Panel Kaise Open Kare?
Open control panel using search box: Windwos system me koi bhi programs par jane ke liye search box sabse easy way hai. Search box me search kar aap ye bhi pata laga sakte ho ki ye software aapke PC me available hai ya nahi. Isi se aap direct cPanel ko bhi open kar sakte ho.
Iske liye aap Start Menu par click kare or “Control Panel” words type kar search kare. Ab best amtch results me aapke same cPanel hoga.
2. Start Menu Se Control Panel Kaise Open Kare?
Bilkul pahle tarike ki tarah ye bhi bahut aasan hai aap sirf ek click se control panel open kar sakte ho. Windows 1o me android phone and windows mobile device ke jaise feature hote hai. Computer me install bahut sare software, application and programs ki wajah se newbie user ko cPanel search karna thoda mushkil hota hai.
Aap Start Menu par click kare or scroll down kar “W” section me Windows System par click kare yaha bhi aapko control panel ka option mil jaeyga.
3. RUN Command Se Control Box Open Kaise Kare?
Agar aapko windows computer chalane ki basic information hai to aapko pata hoga ki hum computer me kisi programs ko open karne ke liye RUN Commands ka istemal karte hai ise hum dialog box bhi kahte hai. Agar function ingle line command wala ho to ise RUN command ke through open karna aasan hota hai. Control panel ko bhi aap dialog box se open kar sakte ho.
Iske liye aap Windows+R key button press kare or dialog box me sirf “control” type ke enter button dabaye control panel aapke samne hoga.
4. Command Prompat CMD Se Control Panel Open Kaise Kare?
Windows operating system me CMD or command prompat se bhi control panel ko open kiya ja sakta hai. CMD me aap command lines ke kisi bhi task perform ko control kar sakte ho.
Iske liye aap Start Menu par click kare or CMD type kar enter key button press kare. Aap ye dialog box ke through bhi kar sakte ho.
Yaha aapke pas 2 tarike hai aap Command prompat me only “Control” word type karke bhi cPanel open kar sakte ho or “Control Panel” type karke bhi open kar sakte ho.
5. File Explorer Se Control Panel Kaise Open Kare?
Windows machine me control panel open karne ke bahut sare ways hai. Aap windows 10 me kai tarike se cPanel open kar sakte ho. Aap file manager, file explorer se bhi cPanel ko open kar sakte ho. Iske liye aap File Explore ko open kare. Aap My PC ya start menu button ke through bhi file explore open kar sakte ho.
File explorer open karne ke bad file explore ke icon par click kare. Yaha aapko control panel ka option mil jayega. Is tarah se aap 5 different tariko se windows 10 me cPanel open kar sakte ho. Agar aapko inke alawa koi or tarika pata ho to aap comment me uske bare me bta sakte hai.
Ummid karta hu aapko is post se windows 10 me control panel open karne ke new and different ways pata chale honge or ab aap apne desktop laptop me 5 alag alag tariko se cPanel open kar sakoge. Agar haa to is post ko social media par share kar sakte hai.
Thanks for reading…
