Bachpan Ki 10 Galtiya Jinka Ehsaas Hume Bad Me Hota Hai

Bachpan ki kuch galtiya (childhood mistakes) aesi hoti hai jinki wajah se humari zindagi (life) barbad ho jati hai or unka ehsas hume 30 ki umar ke bad me hota hai or hum bahut pachtate hai. Yaha main aapko bachpan ki 10 mistakes ke bare btaunga, agar aap abhi ye galtiya kar rahe ho to aapko in galtiyo ko abhi se chorh dena chahiye.

Har kisi ko apna bachpan yaad aata hai, Kyuki hu msabhi ne bachpan ko jiya hai. Shayad hi aesa koi hoga jo apne bachpan ko yaad nahi karta ho. Childhood ek aesi umar hai jisme bina kisi tension ke masti se jindagi ka aanand liya jata hai. Is choti si umar me kisi ko bhi sahi or galat ka fark pata nahi hota hai.

Humse bachpan me anjane me or nadani se kuch galtiyan ho jati hai. Us samay hume pata nahi hota ki in mistakes ki wajah se kya problem ho sakti hai. But jab hum bade hote hai to hume bachpan ki mistakes yaad aati hai. Ek galti se humari jindagi barbad ho jati hai.

• 10 Reasons Jinki Wajah Se Sabhi Log Aapko Ignore Karte Hai

Yaha hume bachpan ki aesi galtiyo ke bare me janenge jinka ahsaas hume sari umar hota hai or jinse humari zindagi barbad ho jati hai.

Bachpan Ki In 10 Galtiyo Ka Ehsaas Hume Bad Me Hota Hai

Bachpan me khelne kudne ke sath agar hume thodi sawadhaniya barte to humara future humara kal sawar sakta hai. Aapka aaj aapke kal ko puri tarah se baal sakta hai.

1. Maa-Baap Ki Kadra Na Karna

Bachpan me maa baap ki izzat na karne or unse battamizi se pesh aane ki saza hume sari umar kisi ka pyar na paa kar chukani padti hai. Duniya me shayad hi aese parents ho jo apne bete-beti ko galat rasta dikhayenge. Har insan apni aulad ko sahi rasta dikhana chahata hai.

Bachpan me hume father – mother jab bhi datate hai ya kisi kaam ko karne se mana karte hai to usme humara hi bhala hota hai. Hume kabhi bhi maa-baap ki avhelna nahi karni chahiye or unki har bat man leni chahiye. Ye soch kar ki wo jo bhi sochenge humare liye sahi hi hoga.

2. Time Par Padhai Na Karna

Bachpan me khelne-kudne ke sath padhai karna bhi jaruri hai. Agar padhoge nahi to aane wale time me bade kaise banoge. Agar aapne samay par study nahi ki to aap is duniya se piche rah jaoge. Kyuki aapke sapne bahut jyada padhe-likhe log honge, jinse bat karna aapke lyie mushkil hoga.

Agar aap piche mood kar dekhoge to aap par hasne wale logo ke alawa kuch dikhayi nahi dega. Isiliye bade ho kar success hone ke liye bachpan se hi padhna jaruri hai. Aap khelo-kudo koi mana nahi hai par apna homework or study time to time karo.

3. Samay Barbad Karna

Time west karna bachpan ki sabse badi mistakes me se ek hai. Jo samay nikal gaya wo dubara nahi aayega ye jante huye bhi hum bachpan me time west karte hai. Iska ahsaas hume jawani ke bad hota hai or hume sochte hai ki kash main bachpan me apna kaam time par kar leta.

Samay ko koi rok nahi sakta. Hume har kaam samay par karna chahiye. Bachpan sirf khelne kudne ke liye nahi hai. Humari apni jindagi ke liye sirf parents nahi humari khud ki bhi kuch jimmedariya hoti hai or hume un sab par khara utrna chahiye taki aap future me iski problem se bach sako.

4. Kuch Naya Na Sikhna

Bachpan me ek lat si ho jati hai jab hum padhai ya kisi bhi jaruri kaam ke waqt khelne ya tabiyat sahi na hone ki wajah se sikhna band kar dete hai. Is umar me hume aesa feel hota hai jaise hum puri duniya ke bare me jante ho or hume ab or kuch janne ki jarurat hi nahi hai.

Ye galti kabhi na kare. Is duniya me sikhne ko itna kuch hai sath hi jindagi jine ke liye kuch important knowledge hona jaruri hai. Agar aapke pas wo jankari nahi hogi to bade hone par aapko dusre ke darwaje khadkhatane padenge. Kyu na itna siha jaye ki log aapka darwaza khadkhane aaye.

5. Fizul – Kharcha Karna

Jab hum bachpan se jawani ki or jane lagte hai to humari kai tarah ke logo se dosti hoti hai jinme se kuch ameer bhi or kuch gareeb hote hai. Hume ameer bacho ki or attract hote hai or unki tarah banne ki koshish karte hai. Unke jaise khilone lene ki parents se jidd karte hai.

Har bachha ameer ghar me janm le or use har aesho-aaram mile jaruri nahi hai, Dusro ko dekh kar fizul kharchi na kare or apne parent ki halat dekh kar hi paise kharch kare. Ye bat 16 se 20 ki age ke girls and boys ke liye important hai.

6. Physical Attraction

Har bachha chahata hai ki uski body sabse jyada strong ho or wo sabse jyada beautiful handsome ho. But sirf achhi body or sundar hona hi jivan jeene ke liye kafi nahi hai. Body strong hone ke sath sath dimag (mind) ka strong hona bhi jaruri hai.

So sharirik fitness ke sath sath apne mind ko bhi strong banane ki koshish kare. Achhi bate sikhe or apne dimag ko gyan se bhare.

7. Good Friend Nahi Banana

Achhe bachpan ke piche achhe dost jarur hote hai. Jiske achhe dost na ho usse bachpan me kai galtiya hoti hai. Maa baap ke bad good friend hi hote hai jo aapko har jagah sahi or galat ki pahchan karwate hai.

Kahte hai ki har successful insan ke piche kisi aurat ka hath jarur hota hai. Bilkul wese hi achhe bachpan ke piche kisi achhe dost ka sath jarur hota hai. 10 Bure friend banane se achha hai ek achha dost bana lo.

8. Buri Sangat Me Fasna

Kuch bachhe bachpan me aesi sangti me fans jate hai ki unka future barbad ho jata hai. Unke galat kamo se parents ko to nicha dekhna padhta hi hai. Sath hi unse village, aas-paas ke log nafrat karne lag jate hai. Is buri lat me ladki, sharab, cigarette, jua, sexual attraction jaisi kai buri aadate aati hai.

Main ye nahi kahta ki galti karke insan sudhar nahi sakta par itna guarantee se kah sakta hu ki jis ped ki jarh kat jaye use fir se hara-bhara hone me bahut time lag jata hai. So buri aadato se bache or izzat ki jindagi jiye taki sari duniya aapse pyar kare.

9. Cigarette Sharab Ka Nasha Karna

Aaj ke time me nasha karna jaise yuao ka shauk ban gaya hai. Gutka chabana, cigarette pina, sharab ka sevan karna etc. aaj ki youngest generation ki pahchan ban gayi hai. School ho ya college student ke liye nasha karna shan ban gaya hai.

Results kya hai, maut ya fir apahiz jindagi. Fir ye sab kyu karna. Agar aapke sath bura ho raha hai to iska faisla sirf aap nahi kar sakte. Aap par aapke parents or aapko banane wale ka adhikar hai. Zindagi jeene ke liye mili hai barbad karne ke liye nahi or cigarette, sharab peene se aapki life sirf barbadhi hogi.

So I request you, aaj se hi nasha chorh do or agar aapke pas paisa jyada hai to un logo ki help karo jinko 2 waqt ka khana bhi naseeb nahi hota. Shayad unki duao se aapki jindagi badal jaye.

10. Sexual Relationship Banana

Point 8 me maine btaya tha ki buri sangat me padhne se humari zindagi barbad ho jati hai. Ye uska hi part hai or sabse jyada danger hai. Mostly people ki life isi ki wajah se barbad ho jati hai. Iski wajah bure dost banana or buri sangati me fastna hai.

Bure log hume ashlil films, ashlil books and sexual relation ke bare me btate hai. Bachpan me hume in sab bato ka gyan nahi hota or hum anjane me kai galatiya kar baithte hai. Jiski wajah se hum aajivan pachtana padta hai.

Sexual relation husband – wife ke bich hi better hai. Ye india me kai hazar saal pahle bta diya gaya tha. Mujhe pura wishwas hai ki bhartiy sanskriti or sanskar ke anusar jivan jeene se mujhe kabhi koi problem nahi sakti. So aesa koi bhi galat kadam na uthaye jisse aapko sharmida hona pade.

Jis bachpan me bachhe khelte-kudte hai, us bachpan me ek bachha programming se new-new experiment karta tha. Yahi bachha bada ho kar duniya ka sabse amir aadmi bana. – Bill Gates

Conclusion

Bachapan ki kuch galtiya itni badi hoti hai ki unki wajah se humare marte dam tak pachtana padta hai. Family, samajh, rishtedar, husband, wife ke rishto me darar aati hai or hume nicha dekhna padta hai. Is sabse bache or sir utha kar jina sikhe.

Bachpan me khelne kudne ke sath bure kaamo se bache or ape future ko mahana banane ke liye tatpar rahe. Aapke bachpan me uthaye gaye kuch sahi kadam aapki jindagi ko puri tatah se badal kar rakh sakte hai.

• 500 Motivational Quotes Jo Kisi Ki Bhi Jindagi Badal Sakti Hai

Is post ko apne friend khas karke buri lat me fase kisi friend ke sath social media par share jarur kare.