Internet user ko sabse jyada jarurat google account ki hoti hai. Aapke online jitne bhi account hai unme se sabse jyada istemal google gmail account hota hai. Gmail for email, chrome browser, and mobile me play store ke liye ek gmail account ki jarurat padti hai. Simply, internet users ke liye google account ki security most important hai.
Aapka gmail account google ki other services se bhi connect hota hai like Google Drive, google+, Google Hangout, YouTube etc.. Sochiye kya aapka google gmail account secure hai, agar kisi ko aapke google account ka access mil jaye to kya hoga.
Hum pane computer par personal information save kar sakte hai but kuch important files details ko PC me secure nahi kiya ja sakta, unhe aap only internet par hi save kar sakte ho jisme google account aapki help karta hai. Google account me aap photos, contact number, personal details etc. save kar sakte hai.
- 10 Internet Security Mistakes Jo Kabhi Nahi Karni Chahiye
- Google Authenticator App Se Gmail Account Secure Kaise Kare
So har user ke liye apne google account ki security important metter hai. Is post me main aapko google account ko secure karne ki top 5 tips and tricks bta raha hu.
Google Gmail Account Ko Secure Kaise Kare – Tips and Tricks
Google account settings, password, hacking attempts configure karke aap apne account ki security increase kar sakte ho. Jinme se kuch tips is prakar hai.
1. Setup Account Recovery
Agar aap kabhi apne google account ke username password bhool jate hai ya aapka account hack kiya gaya ho to aese me aapko apne account ko access karne ke liye recovery number ya recovery email address ki jarurat hogi. Isiliye humesha apne google account me main number ke alawa recovery number and recovery email ID set kake rakhe.
Is setting ke liye aap ye options follow kare.
- Google Account Settings par jaye or Sign in & security choose kare.
- Under security page, Account recovery options par jaye.
- Ab yaha recovery email or recovery phone number set kare.
Ab google apako recovery homepage par redirect karega or password confirm karne ko kahega. Apna gmail password confirm kare or recovery phone number and alternative email account set kare.
Iski step by step jankari ke liye ye post check kare.
- Google Account Me Recovery Email Address Set Kaise Kare
- Google Account Me Recovery Phone Number Add Kaise Kare
2. Enable 2 Step Verification
Google gmail account me 2-step verification enable karke aap apne google account me extra security add kar sakte hai. Matlab jab bhi aap sign in karoge to aapke mobile number par OTP password (text message verification) aayega or uske confirm karne ke bad hi account access kar sakoge.
Isse jab koi unknown computer me aapke account par log in ya access karne ki koshish karega to use extra step complete karne ki jarurat padegi or apake pas OTP confirmation code ka message aayega, jisse aap easily samajh sakte ho ki aapke account ko koi access karne ki koshish kar raha hai.
Google account security par click kare or Sign-in & security >> Password & sign-in method par ja kar 2 Step verification enable kare.
Google account me 2 step verification enable karne ke liye aap ye post read kare, Google Gmail Account Me 2 Step Verification Kaise Enable Kare.
3. Use Strong Password
Bahut se user apne online accounts ke liye simple password istemal karte hai like 12345, 00000 etc. in password ko koi bhi aasani se hack kar leta hai. Isi wajah se bahuto ke account hack hote hai. Aapko apne sabhi online account ke liye strong password choose karne chahiye.
Main aapko huemsha apne google and other all account ke liye strong password use karne ki salah dunga. Particularly, agar aap all accounts ke sath aesa nahi kar sakte to aapko kam se kam apne gmail account ke liye majbut password istemal karne chahiye.
Agar aapko strong and long password yaad rakhne me problem hoti hai to aap ye post read kare aapki problem solve ho jayegi, Strong Password Kaise Banaye.
4. Application Specific Passwords
Computer device par google account access karne or mobile app me google account access karne me different hota hai. Aap device and app ke liye alag alag specific password create kar sakte ho. Example, aap iPhone, iPad, Blackberry, Mac, Windows phone, Windows Computer ke liye different password use kar sakte ho.
Isse aapko apne regular google account ko access karne ke liye regular and strong password bar bar use karne ki problem nahi hogi.
Iske liye aap google account settings me jaye or Sign-in & security >> Password & sign-in method par click kar App passwords par click kare. Ab select device par click kar aapko jis device ke liye password set karne hai wo select kar app password set kare.
5. Setup HTTPS
Mostly, hum google account ka istemal karte time browser me HTTP or HTTPS ka care nahi karte. Jisse humare account ke sath kuch bhi ho sakta hai. HTTP ki tulna me HTTPS jyada secure connection hai so hume isi ka use karna chahiye.
Gmail account me HTTPS enable karne ke liye sabse pahle aap gmail.com par jaye or ye steps follow kare.
- Top right side me gear icon par click kare or Settings par jaye.
- In the General tab, Browser connection me Always use https option ko enable kare.
- Finally, Save changes par click kar setting save kare.
Aapko ye khyan rakhna hai ki gmail account “https” ke sath open hona chahiye, yani usme http ke bad (s) hona jaruri hai. Aap apne computer browser me https://mail.google.com/ URL bookmark karke rakh sakte hai taki har bar gmail open karne par https type na karna pade.
Conclusion
Is psot me btayi gayi security tips ko follow karke aap apne google gmail account ko pahle se jyada secure kar sakte hai. Google account ko hack hone, malware and password attacks se bachane ke liye ye jaruri bhi hai, wese bhi safer and more secure rahna buri bat nahi hai.
Internet ki duniya me kab kiske sath kya ho jaye so apne personal data ko online leak hone se bachane ke liye apako har mumkin pryas karna chahiye.
- Android Mobile Ki Security Badhane Ke Liye 5 Free Antivirus
- 10 Jhuthi Bate Jinki Wajah Se Log Antivirus Use Nahi Karte
I hope aapko ye 5 security tips and tricks pasand aayegi or aap apne gmail account ko adhik secure kar sakoge.