Ek Successful Insan Kaise Bane Jise Sari Duniya Pasand Kare

Everyone wants to be a successful. Duniya me shayad hi koi hoga jo safal na hona chahata ho.  Har koi ek successful life jeena chahata hai jise sadiyo tak yaad kiya sake. Ye ek aysa sapna hai jo har koi dekhta hai magar duniya ki is bheed me kuch hi log hote hai jo apna name sitaro se bhi jyada roshan kar lete hai. Aaj mai yaha aapko kuch aysi bate bta raha hu jo aapko ek aysa insan bana sakti hai jise puri duniya pasand karegi. Aayiye jante hai Ek Success Insan Kaise Bana Jata Hai?

Kabhi aapne socha hai ki ek kamyab aadmi or ek na-kamyab aadmi me fark kya hota hai. Dono ke 2 eyes, 2 leg, 2 arm, 1 mouth. 1 nose or ek hi deemag hota hai. I mean sabhi ke pas wohi body part hote hai fir aysa kya fark hai unme jo wo itne alag hai. Actually, ye sab humari feeling ka khel hota hai hum jis tarah iska istemal karte hai, jis tarah sochte hai wese hi ban jate hai.

Hum me se hi kuch log itne mahan ban jate hai ki unki chamak sitaro se bhi adhik nazar aati hai. Humare desh me Mahatma Gandhi, A. P. J. Abdul Kalam jaise already mahan insano ne janm liya hai jin par hume humesha garv rahega. Magar kyu har koi aysa nahi ban sakta.

• Life Me Khud Ko Kamyab Banane Ke 10 Smart Tarike
• Successful Banna Hai To Ye 10 Bate Humesha Dhyan Rakhe

Ek insan daily lakho paise kharch kar deta hai or ek insan sari umar kamate huye bhi ek lakh rupees nahi kama pata. Kamana to dur dekh bhi nahi pata. Logo ki jindagi me itna fark kyu hai par bahut sochne ke bad bhi iska jawab nahi milta hai.

• 25 प्रेरणादायक उद्धरण जो आपकी सोच बदल सकते है

Kuch log jo success nahi ho pate wo kahte hai ki unki kismat ne unka sath nahi diya warna wo bahut bade ban sakte the or kuch log apni asafalta ki wajah dusre logo ko btate hai ki uski wajah se unki jindagi barbad ho gayi. Aaj mai yaha aapko jo bate btane ja raha hu unke bare me janne ke bad aapki ye soch badal jayegi.

Ek Safal Insan Banne Ke Liye Aap Me Ye 10 Gun Hone Chahiye

Bahut se log kamyab hone ke raste pata karne me din rat lage rahte hai par bahut koshisho ke bavjood unhe iska sahi tarika nahi mil pata hai. I hope aap logo ko yaha btayi gayi meri bato se wo sab sikhne ko milega jo aap janna chahate ho.

1. Do Dream Big and Act: बड़ा सोचो और उस पर अमल करो

• जिंदगी बदल देने वाली 10 प्रेरणादायक बातें

Life me agar apni manzil tak pahuchna hai to uske bare me sochna bahut jaruri hai. Aapke dil or dimag me uske liye sachhi lagan honi chahiye. Aap bada aadmi banne ke sapne dekho par itne bade bhi nahi ki wo aapki jarurat se jyada ho. Khwab dekhna buri bat nahi hai. Sab sochte hai ki mai ye ban jau wo ban jau.

Magar success sirf wohi hote hai jo apne sapne dekhte hi unhe pura karne me lag jate hai or tab tak piche nahi hat-te jab tak unhe unki manzil nahi mil jati. Examples, aap tab ek actor nahi ban sakte jab tak aapke dil me actor banne ka sapna na ho. Same wese hi aap bhi tab tak kamyab nahi ho sakte jab tak aapke dil me kamyabi ki chahat na ho.

Agar aap safal hona chahate hai to apne maksad ko pahchane or us par work karna shuru kare ye sirf baith kar sapne dekhne se behtar hoga.

Kaante unhi ke pair me lagte hai jo apna kadam aage badhate hai. Sapne bhi unhi ke pure hote hai jo unhe pura karne ki koshish karte hai.

• इसे कहते है हौसलों की असली उड़ान ( अरुणिमा सिन्हा )

Jab aapko successful person insan banna hai to kabhi ye na soche ki manzil bahut dur hai rasta bahut kathin tay karna hoga. Duniya me safal hone ka koi bhi shortcut or aasan rasta nahi hota. Loha garm hone ke bad hi kisi cheez ka aakar leta hai.

• Life Me Success Hona Hai To Ye 10 Baat Humesha Dhyan Rakhe

2. Avoid Smoking and Other Bad Habits: धूम्रपान और अन्य बुरी आदतों से बचें

Ye ek aysi beemari hai jo na sirf aapko balki aapke aaspas ke logo, aapki family tak ko barbad kar sakti hai. Isse paisa, pyar, izzat sabkuch mitti me mil jata hai. Kuch log dusro ke samne apne aapko bada sabit karne ke liye smoking karte hai. Jabki hakikat me koi isse bada sabit nahi hota ulta uski izzat kam ho jati hai.

Bure logo ke sath baithna, Bure kaam karna, Dusro ki burayi karna, Galat tariko se paise kamane ke bare me sochna and other bahut se kaam hai jo ek ache insan ko nahi karne chahiye.

Jindagi achhe kaam karne ke liye hi bahut choti hai to jitna ho sake bure kaamo se bachhe. Ek achhe insan ka ye sabse bada gun hai. Mai aapko suggest karunga ki ayse logo ke sath bhi rahne se bachhe.

Aap jaise insan ke pas baithoge wo aapko wesi hi sikh dega to kyu na kisi kamyab or achhe aadmi ke sath dosti ki jaye taki aap uski or wo aapki help kar sake.

Hum jaise logo ke sath dosti karenge wo hume wese hi kaam sikhayenge. Kyuki bure logo ki najro me koi bhi bura kaam bura nahi hota.

Ek aysa insan bane jisme koi bhi koi kami na bta sake. Bhale logo ko duniya sadiyo tak yaad karti hai fir is char din ki jindagi me sukh pane ke liye burai ko kyu apnanye.

• Amir Kaise Bane? In 5 Tarike Se Sochna Ameer Banne Ke Liye Jaruri Hai

3. Find Your Talent / Skills: अपनी प्रतिभा कौशल का पता लगाये

Uparwala har ek ko kisi khas maksad ke liye banata hai par kuch hi log is maksad ke bare me pata karne me safal hote hai. Adhiktar log yuhi mar jate hai man lo koi vyakti 100 year ki jindagi jee kar mar gaya or usne life me koi achha kaam nahi kiya to uski sari jindagi bekar hai.

Dusri or ek banda 25 year ki age me hi achha kaam karke mar jata hai to uski life us nakara 100 sal wale aadmi se kahi jyada keemati hogi. Jeene ka ek maksad hota hai us maksad ko khojna aapka kaam hai.

Aapko iske liye kahi jaane ki jarurat nahi hai bas aapko apne aap ki pahchan karni hai ki aap koun ho or aap is duniya me kyu aaye ho. Mana ki aapne maksad ko hasil karne me bahut mushkilo ka samna karna padta hai par mushkilo se ladne wala ek din mahan banta hai.

Har type ki activities ko try kare or pata kare ki aap kis work me better kar sakte ho. Bas ek bar aap khud ko pahchan lo fir dekhna ye duniya hi nahi jo aap chaho wo sab aapka hoga.

Jo khud ko nahi janta, Wo bhala kisi or ko kaise jan sakta hai. Dusro ko bhi pahchanne ke liye pahle khud ko samajhna jaruri hai.

Bahut se gentleman kah gaye hai ki jo khud ke bare me sab kuch janta hai wohi dusro ke dil ki bat pata kar sakta hai or unke liye kuch kar sakta hai.

• Apne Aap Ko Mentally Strong Banane Ke Top 10 Powerful Tarike

4. Learn and Teach: सीखो और  सिखाओ

Koi bhi maa ke pet se sabkuch sikh kar nahi aata. Sabhi duniya me aa kar hi sabkuch sikhte hai. Agar aap bahut padhe likhe ho or sabkcuh sikh chuke ho to aap galat hai. Yaha sikhne ke liye itna kuch hai ki agar aap sari umar study karo to bhi aap sirf 30% hi sikh paoge 70% information aapse chhoot jayegi.

Apne interest ka pata kare or fir uske bare me sikhna shuru kare ya fir aap dusro ko bhi sikha rahe ho to bhi aapko time to time kuch na kuch naya sikhte rahna chahiye. Jitna acha aap sikhoge utna acha dusro ko sikha sakoge.

Sikhne wala kabhi kisi bhi kaam me fail nahi hota. Use har work me kamyabi milti hai kyuki wo har kaam karne se pahle uske bare me jankari pata kar leta hai.

Agar koi aapse help mange to jitna aap jante ho use jarur btaye. Gyan pane ka sahi tarika yahi hai isse aap or jyada sikhne ki koshish karoge. Jitna ho sake gyan bate kyuki ye batne se kam nahi hota.

Jo sabki help karta hai ssabko sath le kar chalta hai. Allah uski hel karta hai or wo ek din jarur kamyab hota hai.

Sikhna sikhana buri bat nahi hai. Aap jitna sikhte ho uske bare me dusro ko btaoge to ho sakta hai jo aap nahi par rahe ho wo koi or kar de.

• Internet Celebrity Kaise Bane – Khud Ko Internet Par Famous Kaise Kare

5. Stop Thinking and Start Working: सोचना बंद करो और काम शुरू करो

Kuch log sapne to dekhte hai par unhe pura karne ke liye koi kadam nahi uthate or sirf unke bare me sochte rahte hai. Wo sochte to ayse hai jaise sari duniya ko peeche chod denge par jab kuch karne ki bat aati hai to wo piche hat jate hai. Ayse log jyadatar apne khyalo ki duniya me hi khoye rahte hai.

Dusri or ek person jo sapne dekh kar unke bare me sochne ke sath sath unhe pura karne ke idea bhi banata hai or un par work bhi karta hai. Bhale hi isme time lagta hai par wo ek din apne sapne pure kar hi leta hai. Aapko bhi ab sochna chod dena chahiye or aaj abhi se kaam karna start kar dena chahiye.

jeevan me safal hona chahate ho to aapko kadi mehanat to karni hi padegi. Agar aap soch rahe ho ki aap bina is sab ke bade ban jaoge to khwab dekhna chod de aapki life me wo din kabhi nahi aane wala.

Safalta pane ka koi aasan ya shortcut tarika nahi hota. Wo sirf aapko kathin parisharm karne par hi mil sakti hai.

Safatlta hasil karna aasan nahi hai. Iske liye aapko din rat kadi mehanat karni hogi. Sirf wohi log success hote hai jo mehanat karte hai.

• 500 Motivational Quotes Jo Kisi Ki Bhi Jindagi Badal Sakti Hai

6. Believe, You are a Important Person: विश्वास करो, आप एक महत्वपूर्ण व्यक्ति हैं

Insaan me confidence ka hona bahut jaruri hai. Ek confident person ko apne aap par bharosha hota hai ki wo apni manzil ko ek din hasil kar lega. Magar sochne ki bat hai ki ye confidence to har kisi me hota hai fir kyu bahut se log success nahi hote hai. Iski sabse badi wajah hai, Over Confidence.

Confidence aapko apni manzil tak pahuchne me madad karta hai but over-confidence aapko bhatka deta hai or apne aim se kafi dur le jata hai. Examples,

Jab koi aapko kuch sikha raha hota hai or aap uski bato par dhyan hi nahi de rahe ho. Aap soch raho ho ki ye sab to mujhse aata hai ya aap bad me ye sab sikh loge to ye aapka over confidence hoga. Over confidence me aap khud ka kaam khud nahi karte or apni kismat ya dusro ke bharoshe par chod dete ho. Ayse me aap life me kisi bhi kaam me safal nahi ho sakte.

Jo apne aapko jyada smart samajhta hai. Actually, wo sabse jyada hoshiyar nahi sabse bada bevkoof hota hai.

So chahe koi bhi bat ho samne wale ki bat ko carefully sono. I sure aapko uski bato se kuch na kuch new sikhne ko jarur milega fir chahe aap uske bare me kitna bhi jante ho.

7. Make Your Target: अपना लक्ष्य बनाये

Agar aap apne kaam me kamyab ho rahe ho to bahut achi bat hai par pata karo ki isme kahi jarurat se jyada time to nahi lag raha. Kya aap sahi time par sahi work kar rahe ho or sahi raste par chal rahe ho, kahi aapko manzil tak pahuchne me jyada time to nahi lag raha.

Mai jab koi work shuru karta hu to sabse pahle uske liye target choose kar leta hu ki itne time bad mujhe yaha tak pahuchna hai or mai abhi tak apni tay ki gayi manzeel tak pahucha bhi hu. So aap bhi kyo na kaam start karne se pahle uske liye lakshay tay kare or usi ke hisab se kaam kare.

Isse aapko or jyada kaam karne ki shakti milegi or jo kaam aap 30 day me karne wale the wo aap only 20 day me hi kar skaoge.

Apna target set kare or us tak pahuchne ke idea banaye. Tabhi aap apne work par focus kar paoge. Ek sath bahut sare kaamo ko thoda thoda time de kar apne aap ke sath Na-inshafi na kare.

Aap jab ek bar me ek kaam karoge to hi aap time par usme successful ban sakoge. Bahut sare kaamo par work karne se aapka dhyan bhatkega or aap apne us pahle wale kaam ko bhi nahi kar paoge.

8. Hardwork with Smart Work: कठिन परिश्रम करो पर होशियार से

Hardwork koun nahi kar sakta, sab kar sakte hai fir kyu sabhi safal nahi hote. Bahut se log din rat ki mehanat ke bad bhi asafal ho jate hai. Bahut se log apni kamyabi ko hasil nahi kar pate hai jabki unki mehanat me koi kami nahi hoti. Ye sochne ki bat hai ki itni mehanat karne ke bad bhi safalta kyu nahi.

Actually, work 2 type ka hota hai ek hardwork or ek hardwork+smartwork, jo mehanat ke sath smart work bhi karta hai wo 100% success hota hai. Bina soche samajhe kisi bhi kaam ko karne se safalta nahi mil jati. Agar aapko safal hona hai or apne aim tak pahuchna hai to hoshiyari se kaam kijiye.

Dil deemag se mehanat kijiye or wo kijiye jisme aapko safalta mil sakti hai. Apne kaam ke bare me ek bar nahi das bar sochiye or pata kijiye ki aapke liye kya behtar hai or aap kya kar sakte ho.

Hard work ke sath smart work karna hi aapko safal banane ka ek matra tarika hai.

Hard work me time jyada lagta hai or smartwork me kam par aap dono me se kisi ek se kamyab nahi ho sakte. Safalta pani hai to aapko dono hardwork ke sath smartwork karna hoga.

9. Never Give Up: कभी हार मत मानो

Jindagi me agar aapko success insan banna hai to kabhi bhi kisi bhi halat se haar mat mano. Mai manta hu aapko manzil tak pahuchne me bahut sari mushkile milegi magar aapne unse haar man li to aap fir kabhi zindagi me safal nahi ho sakte.

Agar aap kisi mode par bahut hatas ho jaye to aap un lamho ke bare me soche jab aapne kisi kaam me kamyab ho kar dikhaya tha or kisi ache insan ne aapki peeth thap-thappa ke kaha tha ki tum kabhi kisi se nahi haroge. I mean aap apne us time ke bare me soche jo aapko motivate karta ho.

Aap chaho to ayse waqt me apne senior ya jisse aap motivate hote ho unse help le sakte ho. Agar aapko koi bhi ek sahi advice dene wala mil gaya to aapki problem 50% wese hi solve ho jayegi.

Jindagi jeene ka ek hi niyam hai kabhi bhi har mat mano, Aage badhte chalo ek din aapko safalta jarur milegi.

Kabhi kisi kaam me haar mat mano fir chahe uska parinam kuch bhi ho. Agar aap koshishe karte rahoge to ek na ek din tumhe safalta jarur milegi.

• Kya Aap Ek Successful Blogger Banna Chahate Hai

10. Thing bing and be big: बड़ा सोचो और बड़े बनो

Humari progressing humari soch par depend karti hai. Hum jaisa sochte hai hum wese hi ban jate hai. Agar hum bada sochenge to bade banenge or ek din sari duniya hume janne lagegi. Dusri or agar hum bura sochenge to hum bure hi banenge.

Agar bada nahi socha hota to Mark Zukerburg aaj itne bade successful insan nahi hote, bill gates aaj is mukam par nahi hote, unke bare me kaha jata hai ki jab unke friends cricket khelte the to wo apne hatho ki ungliyo par kuch na kuch hisab lagate rahte hai or humesha kuch na kuch sochte rahte the.

Isi ki badolat aaj wo ek ayse mukam par hai jaha pahuchne me mujhe or aapko varso lag jayenge. Inke bare me kon nahi janta, ayse bahut se log hai duniya me or apna name roshan kar rahe hai.

Or sabse badi bat paisa i mean money inke piche bhagta hai or kuch log hai jo sabkuch chod kar paiso ke piche bhag rahe hai. Wo ye bhool jate hai ki piche chalne wale ko humesha bacha hua hi milta hai.

Ye bahut important hai ki aap bada socho par sirf socho mat us par sabse pahle amal karo kahi koi or aapse aage na nikal jaye kyuki duniya me aap jaisa sochne wale bahut hai. Isiliye jo kuch bhi socho us par teji se work karo or apne aapko sabse aage khada karo.

Bada socho, dusro se pahle socho or jaldi socho, Kyuki vicharo par kisi ek ka adhikar nahi hota. Jo pahle sochta hai wohi aage nikalta hai.

Aapke vichar aapko mahan bana sakte hai. Humesha acha socho sabke liye socho. Sirf apne liye soch kar khudgarz mat bano. Sari duniya ke liye socho. Koi aysa kaam karo ki puri duniya aapko pasand kare.

Conclusion,

Bada wohi insan banta hai jisme bada sochne ki kabiliyat ho. Agar aap sochoge ki aap ye sab nahi kar sakte to aap kabhi wo sab kar bhi nahi paoge. Hathi ke bache ko jab jangal se laya jata hai to use ek choti si rassi se bandh diya jata hai. Wo use todne ki bahut koshish karta hai par chota hone ki wajah se us waqt use nahi tod pata.

Dheere dheere wo bada ho jata hai par ab wo us rassi ko todne ki koshish nahi karta. Kyuki wo sochta hai ki wo kuch bhi kar sakta hai par ye rassi usse nahi toot sakti.

• 10 Tarah Ki Soch Jo Kisi Bhi Kaam Me Successful Bana Sakti Hai
• Kisi Ki Bhi Zindagi (Life) Barbad Kar Sakti Hai Ye 5 Buri Aadat

Theek wese hi bahut se log asafalta milne par apni gandi soch se apna future barbad kar lete hai, wo sochte hai ki ye kaam unse hoga hi nahi isse wo dubara kabhi koshish hi nahi karte. Aap aaj koi kaam nahi kar sakte to kya hua fir se koshish karo ek din aap wo kaam kar sakoge.

Agar aapko ye post pasand aaye to ise social media par apne friends ke sath share jarur kare or sath hi post ke bare me comment bhi kare ki aapko is post me se konsi bat pasand aayi ya fir aap bhi comment me humare reader ko koi badiya successful tips de sakte hai.