New Year OFFER | Win OPPO Reno7 Pro 5G Mobile for FREE! (
)

YouTubers Ke Liye 10 Behad Jaruri Android Apps (for 2022)

Aaj ke samay me Youtube online earning ka ek bahut hi popular source ban gaya hai. Is blog par bahut saare aise readers honge jo ki already ek YouTuber honge ya fir Youtuber banne ki chahat rakhte honge. Aaj mai sabhi YouTubers ke liye top 10 best android apps ke baare me batane ja raha hun jo aapke youtube workful ko aasan bana denge.

Top Apps for YouTubers

Agar aap ek youtuber hai ya youtube channel start karne wale hai to apne smartphone me in android application ka jarur istemal kare.

In apps ka istemal lagbhag har youtube karta hai, khaskar wo jo user mobile se video banata hai aur mobile se hi video edit karta hai.

Top 10 Android Apps for YouTuber 2022

Niche maine aapko 10 aise android apps ko baare me btaya hai jinhe maine apne YouTube career me khud se use kiya hai, aur main daabe ke saath kaeh sakta hu ki inhone mere videos production ko aur bhi productive bnaya hai.

1.  Creator Studio

YouTube Creator Studio for Android

Creators studio Youtube ke dwara hi android users ke liye bnaya gya ek official application hai. Is application ka use app apne Youtube channel ko directly apne smartphone se manage karne ke liye kar sakte hain. Jaisa ki aapko pAta hoga ki aapko youtube ke official app me inti functionality nhi milti hai jisse aap apne channel ko shi tarike se monitor kar ske yaa fir manage kar ske.

Jaisa ki aapko is app ke naam se hi pata chal rha yah application ko specially creators ke liye develop kiya gya hai. Is app ki madad se app apne channel ki puri analytics check kar sakte hain. Jaise- Most viewed video, Watchtime, Total views, Total subscriber count etc. Usi ke saath aap kisi bhi video ke title, description, Thumbnail and Tags ko bhi edit kar sakte hai.

2. Open Camera

Open Camera

Maine apne bahut saare aise doston ko dekha hai jo samajhte hai ki bina DSLR camera ke Youtube video banayi hi nahi ja sakti hai. Lekin jo log bhi aisa sochte hai wo galat sochte hain. Aaj ke samay me aap sabhi ke paas smartphone hai jisme bahut hi acche camera diye gaye hai. Aap apne phone me hi Open Camera app ko download karke bahut hi acche Youtube video bana sakte ho.

Maine aapko Open camera isliye suggest kiya kyunki is camera app me aapke phone ke default camera app se jyada control and functionality diye gye hain. Jaise ki aap open camera me ISO, Aperture, White Balance, shutter speed and Video frame rate ko manually control kar sakte hai.

3. Evernote

Evernote

Evernote aapke youtube content ideas ko organized rakhne ke liye bahut useful app hai. Kabhi kabhi kya hota hai ki humaare mind me ek bahut acchi video ideas aati hai lekin kyunki hum use kahin pe note-down nahi karte hai isliye bhul jate hain.

Aise me evernote app aapke liye bahut useful rahegi, ye ek easy note taking app hai jahan par aapke paas koi bhi content idea aaye to aap unhe note down kar sakte hai. Jisse ki aap un ideas ko bhul se bhi miss naa kar sake. Usi ke saath - saath agar aap apne video ke liye script likhte hai to bhi ye application aapke kaam aayegi.

4. Tag You

Tag you apps

Tag You aapke youTube video ke SEO performance ko bosst karne me madad karti hai. Is app ki madad se aap kisi anya YouTuber ke videos ke Tags ko check karke analyze kar sakte hai ki unki video kis keyword par rank kar rahi hai.

Aur aap unke popular keywords ko apne video me use karke YouTube search engine me rank karwa sakte hai. Main aapko recommend karunga ki aap unhi keyword ko apne video tag me daale jo aapke video ke content se match karte ho.

5. KineMaster – Pro Video Editor

KineMaster

Ek accha video content banane ke liye ek acchi video editing app ka hona bahut hi jaruri hai. Kinemaster ek professional Video editing app hai jo ki aapke jarurat ke almost sabhi features deta hai. Ye video editor Multiple layer ko support karta hai, Iski mada se aap apne YouTube video me Text, Image, Transition and effects ko easily add kar sakte hai.

Iska ek down side jo maine observe kiya hai ki isme video watermark ke saath save hoti hai. Agar aap apne video se kinemaster ka watermark hatana chahte hai to aapko iska monthly subscription purchase karna hoga.

6. Thumbnail Maker

Thumbnail Maker

Kisi bhi videos par views laane ke liye thumbnail ek bahut important role play karti hai. Aapne agar apne video me ek dull thumbnail lagaya hua hai to uspar koi click nhi karega bhale hi aapka content kitna bhi accha ho.

Lekin wahin par agar aapne ek attractive and well designed thumbnail lagaya hua hai to video ka CTR (Click Through rate) automatically badh jayega. Thumbnail maker app ki madad se aap bahut acche thumbnails ko designs kar sakte ho.

7. AZ Screen Recorder

AZ Screen Recorder

Bahut saare aise bhi YouTubers hote hai jo Screen recording video YouTube par upload karna prefer karte hai. Maine bhi apne youtube channel shuruati samay me screen recording video hi upload kiya tha. Us waqt maine bahut saare playstore se alag alag Screen recorder try kiya tha lekin Az screen recorder one mere liye sabse best kaam kiya.

mujhe lagta hai ye ek Youtubers ke liye jaruri android app hai. Imse app screen recording ke sabhi basic and advance functionality mil jayenge.

8. Legend

Legend App

Jin logo ko Video editing ke baare me advance knowledge nhi hota hai unke liye ek accha intro and outro design karna aasan nahi hota hai. Lekin legend app ki madad se koi bhi persona apne channel ke liye beautiful intro and outro create kar sakta hai.

Basically is app me already alag alag preset banaye huye hote hai, aapko bs apna text add karna hota aur ye app use text ko video animation me convert kar deti hai.

9. Realtime subscriber count

Realtime Subscriber Count

Ye bhi ek Youtubers ke liye jaruri android app hai jiski madad se Aap apne Youtube channel ke subscriber count ko real time me dekh sakte ho. Aap is app ki madad se check kart sakte ho ki par day aapke channel ko kitne log subscribe kar rahe hai ya fir kitne log unsubscribe kar rahe hai.

Is app ki aap apne phone ke homescreen par widget add kar sakte ho aur realtime subscriber count directly phone ke homescreen par dekh sakte ho.

10. Buffer

Buffer app

Agar aap apne YouTube channel ko Grow karna chahte hai to social media promotion par aapko jarur se dhyan dena chahiye. Aaap video upload karne ke baad use sabhi social media platform pe jarur promote kare.

Ab agar aap one by one sabhi social media platform pe jakar promote karoge to wo bahut hi Time consuming hoga. Isiye Buffer app ki madad se aap apne sabhi Social media account par ek saath video ko share kar sakte hai.

Conclusion,

Friends ye the 10 Youtubers ke liye jaruri android app jo aap sabhi ke phone me hona chahiye. Aaj ke samay me hum apne smartphone se wo sabhi kaam kar sakte hain jo ki ek desktop computer se kiya jaa sakte hai.

Bs hume apne smartphone ko efficiently use karne aana chahiye. YouTube par successful hone ke liye acche DSLR camera aur computer laptop ka hona jaruri nahi hai aap smartphone se hi acche videos banake edit and upload kar sakte ho.

Agar aap ek YouTuber hai to aap apni favourite app humare saath comment section me share kar sakte hai.

Avatar for Shivam Kumar

I am a Passionate YouTuber and Blogger. I loves to help people from my knowledge and experience. I share helpful content related to Blogging , Youtube & Technology on this blog.

Comments ( 7 )

  1. Subscribe Kaise Badhaye. New trick

    Reply
  2. Sir mere channel par 100000 views ho gaye hai or watch time 1800 hours hai phir bhi meri earnings show nahi hui hai kyAa karu please hElp me

    Reply
    • whatch time 4,000+ chahiye.

      Reply
  3. New youtubers ke liye post bahut hi helpful hai

    Thanks for sharing

    Reply
    • Thanks for reading our article

      Reply
  4. nice article.

    Reply
  5. very goodpost and keep up the work keeps sharing

    Reply

Leave a Comment

×