Kuch saal pahle YouTube ne ek service offer ki thi YouTube Red. Ye paid-for subscription service thi jisme people ad-free youtube video dekh sakte the. May 2018 me google ne iska brand name change kar diya hai aur ise YouTube Premium (YouTube Paid Membership) ke name se re-launch kiya hai. Is post me YouTube paid membership ke bare me puri jankari hindi me di gayi hai.
June 18, 2018 ko YouTube apne Official YouTube Blog par YouTube Premium ko launch karne ke bare me post share ki thi. Jisme youtube paid membership ke bare me aur ye kin kin country me available hai ke bare me btaya gaya hai.
YouTube paid membership lene se kya fayda hoga? iske kya kya benefits hai, iska plan price kitna hai? Ye kis kis location par available hai? Yaha aapko is sabki jankari mil jayegi.
Aapne YouTube me ek new feature dekha hoga, YouTube Paid Memberships. Agar nahi dekha hai to aap YouTube.com site par jaye aur top right me apne profile picture par click karke dekhe drop down menu me iska option mil jayega.
YouTube Premium Kya Hai?
YouTube premium YouTube Paid Membership hai jo aapko youtube aur other youtub apps me experience badhane me help karta hai. Abhi ye 17 certain countries me available hai.
Ye aapko ad-free, feature-rich (offline viewing), and enhanced experience across aur google ke kai video and music services, like YouTube, YouTube Music, YouTube Gaming, and YouTube Kids feature deta hai.
YouTube Premium Ke Kya Kya Benefits Hai?
YouTube premium membership lene se nimn fayde (benefits) hai.
- Aap youtube par bina ads (without ads) millions videos dekh sakte hai.
- Offline dekhne ke liye apne mobile device par videos aur playlist download kar sakte hai.
- Jab aap apne mobile device me other app use karte hai to youtube video music run hota rahega.
- Jab aapke device ki screen band hoti hai to apne mobile phone me video music play hota rahega.
- Sabhi youtube series aur movies par access milega.
- YouTube music premium par free subscription milega.
Agar aapki location par YouTube, YouTube Gaming, YouTube Kids, and YouTube Music available hai to aap unka bhi istemal kar sakte hai.
YouTube Paid Membership Kaise Le?
YouTube Paid Member banne ke liye ye guideline follow kare.
Computer
- Apne computer me youtube.com/premium site open kare.
- Us google account se sign in kare jisse aap youtube paid membership lena chahate hai.
- Apna free trial start kare. (if you’re eligible)
- Payment method choose kare.
- Transaction complete karne ke liye Buy par click kare.
Android, iPhone and iPad
- Apne phone ya tablet me YouTube App open kare.
- Us google account se sign in kare jisse aap youtube paid membership lena chahate hai.
- Apni profile photo par click kare Get YouTube Premium select kare.
- Apna free trial start kare. (if you’re eligible)
Apni membership dekhne ke liye youtube.com/paid_memberships par jaye. Yaha aapko apni membership aur next payment ki details mil jayegi.
YouTube Paid Membership Kaha Kaha Available Hai?
YouTube paid memberships abhi all countries , all location me available nahi hai. Jin country aur location me available hai unke bare me niche bta raha hu.
- United States
- Australia
- New Zealand
- Mexico
- South Korea
- Canada
- United Kingdom
- Ireland
- Germany
- Austria
- France
- Italy
- Spain
- Russia
- Sweden
- Norway
- Finland
Adhik jankari ke liye aap YouTube Paid memberships available locations page par visit kar sakte hai.
YouTube Paid Membership Price Kitna Hai?
YouTube pid membership ke 2 plan hai, dono ke alag alag price aur alag alag benefit hai.
- YouTube Premium: Iska price $11.99 jisme aapko Ad-free music, listen in the background, Downloads, Ad-free video, Play in background, All YouTube Originals feature milte hai.
- YouTube Music Premium: Iska price $9.99 hai jisme aapko Ad-free music, listen in the background, Downloads feature milte hai.
Ye plan monthly hai, aapko per month pay karna hoga. Agar aap youtube music plan le lete hai aur bad me use youtube premium me upgrade karna chahate hai to kar sakte hai.
Ye thi youtube paid membership ki puri jankari agar aapko is bare me koi confusing ho to aap comment section me apne sawal puch sakte ho.
- YouTube Support Team Se Contact Kaise Kare – Top 5 Ways
- Ek Successful YouTube Channel Start Kaise Kare – Full Guide in Hindi
Agar aapko ye jankari achhi lage to ise social media par apne dosto ke sath share jarur kare.