Whatsapp ne abhi recently Whatsapp Group Video Call or Voice Call Feature apne Android Beta User ke liye roll out kar diya hai. Is se pehle aap whatsapp par ek time par sirf ek person se video call kar sakte the. But abhi new feature ki help se aap ek sath Maximum 3 logo ke saath video call aur voice audio call kar sakte hai.
Whatsapp Group Calling Feature abhi kuch limited users ko hi mila hai, Agar aap bhi Group Video calling feature pana chahte hai. Toh aap bilkul sahi jagah par aaye hai. Yaha par main aapko Whatsapp Group Video Calling Feature Enable karne ke baare me btauga.
Dosto yeh bilkul waisa hi hai jaise hum kisi ko Conference Call karte hai. Ab yeh feature whatsapp me aane par aap apne sabhi friends aur relatives ko ek sath conference call me le kar aaram se baate kar sakte hai.
Agar aap yeh Feature pana chahte hai, toh aapke paas whatsapp 2.18.195 Version mobile me install hona chahiye. Apne mobile me installed whatsapp version check karne ke liye aap neeche likhe steps follow kar e.
- Apne mobile me whatsapp app open kare.
- Settings >> Help >> App Info par jaye.
- Yaha par aapko whatsapp version mil jayega.
Agar aapke mobile me Whatsapp 2.18.195 Version milta hai, toh aap without kisi problem ke Group Video or Voice Call kar sakte hai. Agar aapke mobile me is se old version installed hai, toh aapko sabse pehle apna WhatsApp Beta Version me update karna hoga.
Aap me se kuch users ko Beta Version aur Beta Program ke baare me nahi pata hoga. Toh aapki jankari ke liye bata du, yeh ek Android App Testing Program hai. Agar aap beta program join kar lete hai toh aapko android apps ke updates normal users se pehle testing karne ke liye mil jate hai.
Agar beta tester users ko app me koi problem ya bug najar aata hai, toh app developers ko report kar official launch se pehle usko fix karwa sakte hai.
Whatsapp Beta Version Download Kaise Kare
Whatsapp se group video call karne ke liye sabse pehle aapko whatsapp Beta Version me Update karna hoga. Yani aapko whatsapp beta version enable karna hoga. Iske liye aapko 2 options milte hai.
- First option aap beta program join karke whatsapp beta me update karle.
- Second option aapko third party se Whatsapp Beta Version download karna hoga.
Main aapko third party se app download karne ki salah nai dunga, agar aapke play store me update available nahi hai to aap manually beta update enable kar sakte hai.
- Sabse pahle aap Whatsapp Beta Version site par jaye.
- Ab aap Become A Tester par click karke Beta Program Join karle.
Ab aap google play store me jaye waha par aapko Whatsapp Beta Update mil jayega. But Beta Update Limited Users ko use karne ke liye milta hai.
Agar Beta Program Full ho jaye, toh aapko update nahi milega. Is Case me aap Third Party Website ApkMirror se Whatsapp Beta Version Download kar sakte hai.
Whatsapp ke is new feature ki help se aap aasani se kisi ko bhi group Video call or Voice call kar sakte hai. Whatsapp Group Video or Voice Call Feature Enable karne ke liye aapko niche btayi huyi Instructions follow karni hai.
WhatsApp Se Group Video Call Kaise Kare
Ab aapne apne mobile device me whatsapp beta version download kar liya hai, ab aap aasani se isse group video call ya group voice call kar sakte hai.
- Whatsapp update hone ke baad aap kisi ko Video ya Voice Call lagaye.
- Call connect hone ke baad aapko Right Side Top par + Icon milegi, us par click kare.
- + Icon par click karne ke baad aap jisko Video Call ya Voice Call me add karna chahte hai, uska number select karle.
- Number select karne ke baad aapki group calling lag jayegi.
Iske baad agar aap kisi aur person ko bhi add karna chahate hai toh aap firse + Icon par click karke another person ko add kar sakte hai.
Note:- Aap Group calling me maximum 3 person add kar sakte hai.
Toh dosto ab aap bhi whatsapp update karke is feature ko use karke dekhe aur neeche comment me bataye aapko yeh feature kaisa laga. Agar aapko is bare me koi sawal puchna hai to niche comment section me puch sakte ho.
Agar aapko yeh information achi lagi ho toh isko social media par apne friends ke sath share jarur kare.
mirajkhan
sir is article se hume bahut acchi baat sikhne ko mili
Adip
Very helpful article. keep sharing.
ankit
bhut Achi jaankari di hai aapne
Vishvajit Rao
Thank you sir is post ke liye. Aapne kam ki knowledge share kiye hai.
Vishal
आपने बहुत अछि जानकारी दी है मुझे पहले इसके बार में पता नहीं था but अब मुझे समझ मे आ ज्ञ है।
Haseeb Alam
Hello Hardeep Sir…
Ye Beta Version Kya Hota Hai?
Hardeep Ralh
Yeh kisi app ka woh version hota hai, jo app developer dowara testing ke liye available karwaya jata hai. yeh limited number users ko hi milta hai.