Blogging passionate blogger ke liye satisfying hobby hoti hai lekin ab ye online money earn karne ka sabse badiya platform ban gaya hai. Blogger part-time or full-time blogging karke internet se paisa kama rahe hai. Main yaha blogging se paisa kamane ke 5 tips btaunga jo aapki blog se jyada paisa kamane me help karenge.
Blogging ko aap ek business ki tarah run kar sakte hai aur isse achi khasi income bhi kar sakte ho. Bas aapko ise sahi tarike se karna hoga, sahi tarika apnana hoga.
Jo blogger paise kamane ke liye blogging karta hai uske blog me aur jo blogger passion ke liye blogging karta hai kafi fark hota hai. Paise kamane ki chahe rakhne wale blogger ko kuch alag karna hota hai.
Aaj main aapko jo blogging tips bta raha hu agar aap unko follow kar lete ho to aap apne blog se apne competitor ke blogs ki tulna me kahi jyada paisa earn kar sakte ho.
Blogging Ke Madhyam Se Paisa Kamane Ki 5 Badiya Tips
Aap same site par same traffic se 20% se 30% adhik earning kar sakte ho bas aapko kuch alag tarike se blogging karni hogi aur kuch tips, tricks, tarike apnane honge.
1. Blog Ko Completely Setup Kare
Blogging ke through paisa kamana chahate ho to uske liye aapke pas ek blog ka hona jaruri hai. Sabse pahle aap ek achhi web hosting le kar khud ka blog banaye aur use completely setting up kare.
Blog ke liye ek achha domain, web hosting, theme choose kare aur blog ka achha design, SEO, speed, optimization setup kare.
Blog ke liye ek main topic choose kare jis par aapko content write karna hai aur single topic par hi blogging kare kyuki ek multi-topic ki tulna me single topic site jyada progressing karti hai aur usse benefits bhi jyada milta hai.
2. Awesome Content Share Kare
Koi bhi blogger jo paise kamane ke liye blogging karta hai use apne blog par aesa content share karna chahiye jo search engines aur social media dono par logo ko attract kar jyada traffic hasil kar sake.
Quality content ke sath aapko aese keywords par likhna hoga jis par sabse jyada searching ki jati ho. For example, aap trending keywords par likh sakte ho, event blogging kar sakte ho.
Keyword researching ke liye aap Semrush jaise SEO tool ka istemal kar sakte ho. Iske alawa aap apne mind se social media, news, google trend, google search etc. ka review karke bhi top keyword search kar sakte ho.
3. Email List Develop Kare
Koi bhi blogger ho wo sirf ye nahi chahata hai ki reader sirf uske blog par aaye aur content read karke chale jaye balki wo chahata hai user uske blog par aaye aur content read karne ke uske blog ke email newsletter ko subscribe bhi kare.
Taki wo subscribers ko new post and other notification mail notification send kar sake. Ab agar aap paise kamane ke liye blogging karne wale hai to aapke liye ye bahut hi jaruri hai kyuki aap apne readers ko email ke jariye product, post, offer discount etc. ke bare me notify kar sakte ho.
4. Trustworthy Relation Banaye
Log kisi aese vyakti ke madhyam se product buy nahi kar sakte jis par wo trust nahi karte ho. Isiliye agar aap paise kamane ke liye blogging karte ho to aapko audience ke sath bharosemand rishta banana hoga.
Aap aur aapki site ko pasand karne wale aap aur aapki site par jitna turst karenge aapko utna hi support milega aur aap jaise hi kisi product ko promote karoge to jyada se jyada log us product ko buy karenge.
Trust level increase karne ke liye aapko chahiye ki aap unhe free content provide kare aur behtar jankari de sath hi aapko chahiye ki aap sirf trusted product ko hi promote kare.
5. Audience Ki Jarurato Ko Pahchane
Apne audience ka wishwas jitne aur kuch paisa kamane ke bad kuch blogger sochte hai ki wo apne audience aur unki soch ke bare me sabkuch jante aur samajhte hai aur unhe pata hai ki real me unke audience ko kya chahiye.
Jabki ye bilkul galat hai. Jaruri nahi hai aapke audience aaj jo kuch pasand karte hai agle 6 month ya 1 year ke bad bhi wesa hi hoga. Isiliye apne audience ki soch, pasand, jarurate, problems ko samajhe aur madad kare.
Agar aap aesa karne me kamyab ho jate ho to aapko humesha audience ka support milta rahega.
Conclusion,
Jaisa ki main aleady bta chuka hu ki earning karne wale blogger aur passion blogger ke blog me kafi antar hota hai. Ye antar agar aapko samajh aa jata hai to aapko safal hone se koi nahi rok sakta hai.
Aap agar chahate hai ki ek din me aap blog bana kar paisa kama loge to wo nahi hoga. Aap agar paisa kamane ke liye blogging kar rahe ho to aapko paise kamane wali blogging ke raste par chalna hoga.
- Main Blogging Kyu Karta Hu Paise Ke Liye Ya.. (Chalo Jante Hai)
- Blog Se Paise Kaise Kamaye – Blog Se Paisa Kamane Ke 5 Badiya Tarike
Is post me btayi gayi 5 tips ko follow kar loge to aap apne blog se pahle se kahi jyada income kar sakoge.
Kya sir ham total free blog nahin bana sakate?
jisase ham paise bhi kama saken.
बना सकते हो ब्लॉगर पर
bahud badiya post share karlete ho aap ke blog read करके बहुद सिकने को मिलरा है धन्यवाद सर जी
Amazing post, Thanks for sharing this to us.
sir me cheap ssd hosting use karta hu isse seo par effect padega kya.
Uptime aur speed problem hogi.
ha sir server response time jyada hai ise kaise kam karu me koi plugin hai kya.
Use faster web server and optimize site.