Main Blogging Kyu Karta Hu Paise Ke Liye Ya... (Chalo Jante Hai)

Main blogging kyu karta hu paise ke liye ya fir kuch aur wajah se. Is sawal ka jawab main khud janna chahata hu aur shayad har blogger apne aap se bhi ye janna chahata hoga. Chaliye aaj iske bare me kuch bate aur mere blogging karne ki wajah jan lete hai jo aapko serious blogging karne ke liye motivate kar degi.

Why Do I Blogging - Main Blogging Kyu Karta Hu

Main blogging kyu karta hu ye sawal mujhse kai log puch chuke hai aur kai bar main apne aapse bhi yahi sawal puch baithta hu.

Yakinan iska jawab ajeeb hai jise main aap sabhi ke sath share karne ja raha hu. I'm sure is post ko padhne ke bad aapki blogging karne ki niyat hi badal jayegi. Ye blogging ka aesa sach hai jo aapko success blogger bana sakta hai.

Agar aap ek blogger hai to is post ko pura padhe, agar aapke pas itna time nahi hai to behtar hai aap ye post padhe hi nahi.

Why Do I Blogging - Main Blogging Kyu Karta Hu

Maine 2022 me apna first blog start kiya tha. Tab main ek student aur apne study table par hi apne laptop aur weak internet connection ke sath blogging ki shuruaat ki thi.

Main blogging me naya tha aur mere samne right blogging platform choose karne aur developing skill design work ki problems thi. Tab mujhe blogging ki ABCD bhi nahi aati thi par main ek life changing shuruaat karna chahata tha.

Us time main nahi janta tha ki main yer kyu kar raha hu bas mere dimag me khud ki website build karne ki umang thi aur maine 17 July 2022 ko blogger platform par apna first blog bana dala.

Is puri process ke bich mere dimag blog se paise kamane ya koi aur lalach nahi tha main to bas apni website banana chahata tha.

Chalo thoda mera nature ke bare me jan lete hai. "Us time main ek aesa ladka tha jo kisi bhi kaam ko zidd se karta tha" main aaj bhi wesa hi hu aur shayad yahi wajah hai ki main abhi bhi yaha hu.

Blogging ki starting ho chuki thi aur mere din-raat kaam karne ki bhi, koi goal nahi tha mera par fir bhi sari-sari raat likhta rahta tha.

Haa mujhe pata tha blog se earning ho sakti thi par kya wakai sirf paise kamana hi mere blogging karne ka reason tha. shayad nahi kyuki iska faisla yaha ho jata hai.

Har roz ki tarah main 10:00 PM par apne badroom me ja kar so gaya pata nahi kab mujhe need lagi par jab main utha to raat ke 11:00 baj rahe the aur achanak mujhe ek khyal aaye. Agle kuch hi palo me main apne home computer par typing kar raha tha.

Ye pahli bar nahi tha meri zindagi me aesa kai bar ho chuka hai. Shayad paise ke liye main kya koi bhi insan aesa nahi karega.

That is true, main paisa kamane ke liye blogging karta hu lekin sirf paise ke liye nahi. Kuch hai jo mujhe ye sab karne ke liye induce karta hai kuch hai jo mujhe hard work karne ko majboor karta hai.

Aaj main wordpress platform use karta hu aur khud ka apna boss hu. Aaj blogging mere liye business ban chuka hai. Main kisi dusre kaam se bore ho jata hu par abhi tak blogging se boring nahi huyi.

Ab sawal ye hai ki kya main future me paise ke liye blogging karunga? Ye sawal maine apne aap se pucha aur mujhe jawab mila "NAHI" bhale hi meri blogging income 0 ho jaye main likhta rahunga.

Kisi bhi kaam ko lagan se karna mera pashion hai aur logo ki help karna meri hobby hai. Blogging se meri ye dono icha puri ho jati hai.

Sabkuch clear hai, Blogging se sirf paise kamana mera main target nahi hai. Agar aap bhi yahi soch kar chaloge to aapko safal hone se koi nahi rok sakta.

Conclusion: Har blogger ki blogging karne ki ek wajah hoti hai koi money earn karna chahata hai to koi apne passion ke liye blogging karta hai lekin in dono me se jununi blogger (Obsessive blogger) hi success ho pata hai.

Blogging karne ka ye ek aesa reason hai jise agar aap apna lete ho to aapko blogging me success hone se koi nahi rok sakta.

At Last:

Sabkuch clear ho chuka hai main kyo blogging karta hu. Ab bari aapki hai aap bhi apne aapse puche aur pata kare ki aap blogging kyu karte hai aur agar aapki soch different hai to aaj se hi blogging ko apna passion bana le.

Agar aap sirf paise ke liye likhoge to ek time ke bad aapke blog ka the end ho jayega aur agar aap passion aur logo ki help ki soch le kar likhoge to aapka blog amar ho jayega.

I hope aapko mera ye article motivate jarur karega aur aap naye josh ke sath blgoging karenge. Ab aap kya sochte hai ye faisla me aap par chhod deta hu.

Agar aapko mera ye article pasand aaye to ise dusre blogger ke sath share jarur kare taki wo bhi apne aapko pahchan sake.

Avatar for Jumedeen Khan

मैं इस ब्लॉग का संस्थापक और एक पेशेवर ब्लॉगर हूं। यहाँ पर मैं नियमित रूप से अपने पाठकों के लिए उपयोगी और मददगार जानकारी शेयर करता हूं। ❤️

Comments ( 46 )

  1. Hi...
    I am kirti.i hope you didn't forget.plz give me your no.i lost it.. I have to talk to you.i could n't talk to you for some reasons.sorry

    Reply
    • Ok, I will send you a mail.

      Reply

Leave a Comment

×