Blogging Karne Ke Fayde or Nuksan (Blogging Pros and Cons)

Blogging ab bahut badal gaya hai log ab blogging ko profession or job ki tarah dekh rahe hai. Is bat me ki shaq nahi hai ki aaj blogging online earning karne ka sabse achha tarika ban chuka hai but Blogging Advantages & Disadvantages bhi hai. So yaha par hum blogging ke fayde or nuksan (blogging pros and cons) ke bare me janenge.

Blogging Pros and Cons

Aap ek blogger ho sakte hai, apna blog shuru kar sakte hai, kisi blogging community se jud sakte hai ya fir aap kisi blogger ki team ka member ban sakte hai. Aap koi bhi tarika choose kare blogging se paisa kamane me time lagta hai.

Blogging se aap paisa kama sakte hai, name kama sakte hai, famous ho sakte hai but iske kuch nuksan bhi hai. Kuch aese nuksan jinka aapki life par bura asar hota hai. Aaj is post me main aapko blogging ke 10+ fayde or nuksan (advantages or disadvantages) bta raha hu jinhe padh kar sabkuch clear ho jayega.

Blogging Ke Fayde or Nuksan (Blogging Advantages and Disadvantages)

Blogging karne or ek blogger hone ke bahut se fayde hai or nuksan bhi but hum mostly blogging benefits par hi focus karte hai or iske nuksan ko ignore kar dete hai. Agar aap hal hi me blogging start karne wale ho or apni job chordne wale hai to aap bilkul galat hai.

Main aapko suggest karunga ki aap jab tak blogging se apni job se jyada earn na kar lag jaye job na chorde or agar aapko job chordni hi hai to aapke pas 4-5 month ke liye money backup hona chahiye.

Blogging Karne Ke Fayde ( Blogging Advantages)

Mujhe blogging me 2 saal ho gaye hai or maine starting month se  success hasil kar li thi is karan mujhe blogging ka kafi experience ho gaya hai or main aapko iske main advantage or disadvantage bta sakta hu. Aayiye jante hai blogging karne ke kya kya benefits hai.

1. Become Own Boss

Kisi bhi job me aapko apne boss ki manni padegi or fix time 9-12 hours kaam karna padega. Blogging me aesa kuch bhi nahi hai. Aap agar ek blgoger hai to aap khud ke malik hai or koi aapko order dene wala nahi hai. Aap jab chahe tab kaam kare or jab chahe tab free rah sakte hai.

Aap khud ke boss hai or kuch bhi karne ke liye aajad hai. Aap apne business plan banaye or jab chahe tab us par kaam karna shuru kar sakte hai. Aap par kisi tarah ki koi bandish nahi hai.

2. Become Famous Person

Agar aap chahte hai ki duniya me aapko janne wale lakho log ho to aap blogging choose kar sakte hai. Blogging se aap naye naye logo s jud sakte ho or unke liye achha blog write kar unke dilo me jagah bana sakte ho. Internet par popular hone ka ye ek acha tarika ho sakta hai.

Jaise jaise aapka blog tarkki karega or aap aage badhoge aapki popularity utni hi badhegi. People aapke bare me janenge or aapke bare me likhenge, logo ko aapke bare me btayenge.

3. Earnings

Blogging pahle apni bat dusro ke sath share karna bhar tha but aaj aap ise career bana sakte ho isse paise kama sakte ho. Aap blogging ko business ki tarah dekh or kar sakte ho. Main kisi or ki nahi india ki bat karta hu, india me aaj bahut se blogger lakho or ho sakta hai croro kama rahe hai.

Main last 2 year se blogging kar raha hu or itni earning kar leta hu ki mujhe kisi tarah ki job karne ki jarurat nahi padti hai. Koi bhi person blogging se achhi earning kar sakta hai.

4. Increase Revenue

Blogging se aap bahut jyada to nahi but bahut paisa kama sakte ho. Job salary ki tarah iski income fix nahi hoti balki blogging income aapke work par depend karti hai. Aap jitni jyada mehanat karoge utne jyada kama sakte ho. Sabse achhi bat iski koi limit nahi hai ki aap itne se jyada nahi kama sakte.

Blogging se aap lakho, croro kama sakte ho. Ye bat India ke top blogger Harsh agarwal, Amit agarwal and other kai bloggers sabit kar chuke hai. Job me aap kitni bhi mehanat kar lo aapko fix salary hi milegi jabki blogging me aap jitna better or jyada work karoge aapki income utni hi increase hogi.

5. Focus on Work

Jab hum koi job karte hai to office me daily boss ke tane sunne padte hai. Wo humse ek din me kai dino ka kaam jo karna chahata hai. Sirf itna hi nahi jab hum sham ko job se free hote hai to bhi humare min me boss ki bate aati rahti hai. Aese me aapko kya karna hai sochne ka time tak nahi milta.

Bogging me aapko koi kuch bhi kahne wala nahi hai or aap apne mind se apne hisab se kaam kar sakte hai. Aese me aap apne work par jyada or achhe se focus kar sakte hai. Jab aap apne interest se kaam karoge to thakoge nahi.

7. No Educational Qualification Requires

Koi bhi job karne ke liye aapko required qualification ki jarurat hoti hai but blogging me aapko kisi bhi tarah ki qualification ki jarurat nahi padti hai. Aap bina kisi certificate ke blogging start kar sakte ho.

Sirf tina hi nahi aapko blogging shuru karne ke liye kisi tarah ki fees ya koi charge dene ki jarurat nahi hai. Ye bilkul free hai or aap jab chahe apna blog shuru kar sakte ho.

8. You Will Be Expert

Jab aap blogging shuru karte hai to aapka expert hona jaruri nahi hai blogging aapko ek time ke bad expert bana dega. Ek simple or less knowledge wala person bhi blogging shuru kar sakta hai.

Aapko blogging karne se pahle sabkuch aana chahiye jaruri nahi hai aap blogging karte karte sab sikh sakte ho. Jaise jaise aap blogging karoge naya, naya or naya sikhte jaoge. Aane wale time me aap apne aapko expert paoge.

Blogging Karne Ke Nuksan (Blogging Disadvantages)

Blogging karne ke bahut sare fayde hai but kuch nuksan bhi hai. Kuch aese disadvantage jo har blogger ke sath hote hai. Jinme se kuch nuksan is prakar hai.

1. Blindness

Blogging karne ke sabse bada nuksan hai ki aap agle kuch saalo me blindness feel karoge ya fir ho sakta hai aapko aankho ki problem bahut jyada ho jaye. Ye problem har blogger ke sath hai.

Aap dekh sakte hai adhiktar blogger Eye Glasses use karte hai. Blogging se hone wali ye ek aesi problem hai jise hum income or interest ki wajah se ignore kar dete hai but next 5-10 year bad aapko ye sab samajh aa jayega.

2. You Feel Alone

Blog ek bahut bada community ho sakta hai or usme bahut se log ek sath kaam kar sakte hai but blog owner ko ek time me alone feel hota hi hai. Jab wo akela blog par work kar raha hota hai to use apne good partner or un logo ko yaad karte hai jo unke liye problems paida karte hai.

Bhale hi aapke blog par ek badi team kaam karti ho but blogging me safal hone ke liye aapko akele kaam karna padta hai. Kuch kaam aese hote hai jinhe dusro ke sath ya samne nahi kiya ja sakta. Study karne or blogging ke future ke bare me sochne ke liye aapka akela hona jaruri hai.

3. Economy Condition

Jab ek blogger blogging ki starting karta hai or agle kuch mahine tak income nahi kar pata to use economy problem hoti hai kyuki uske pas income ka koi achha source nahi hota hai. Halanki wo isme parents ki help lete hai but time long hone par wo uncomfortable fell karte hai.

Wo blogging se pya karte hai or blogging karna chahate hai magar helplessness ki wajah se onhe blogging ke sath extra job karni padti hai. Ye bahut hi buri condition hoti hai or har blogger ke liye ek bada imtihan hai.

4. Relationship Become Weak

Koi bhi job me 8-10 ya fir 12 hours kaam karna padta hai. But ek blogger ke blog par day-night work karna padta hai. Blogging me 4-5 hours kaam karke bada blogger nahi bana ja sakta iske liye aapko din-rat mehanat karni hogi.

Blogger apne aak me itna time de deta hai ki use apne friends, relative, familiar ka dhyan hi nahi rahta or wo unko kam time dene lagta hai. Aese me people usme kam interested ho jate hai or use milna julna kam kar dete hai. Jab kabhi unhe uski jarurat hoti hai to unhe pahle se pata hota hai ki uske pas time nahi hoga.

5. Discipline

Aapne padha or suna hoga ki har kaam me successful hone ke liye anushasan jaruri hota hai. Blogging me aesa nahi hai aap time table bana kar blogging nahi kar sakte isme aapko kabhi bhi work karna pad sakta hai. For example, aapki site down ho gayi or night time hai to aapko night me hi is us problem ko fix karna hoga warna aapko blog down hone ka nuksan bhugtna hoga.

Halanki blogging ko bhi anushasan ki jarurat hai but aapko day-night kabhi bhi kaam karna pad sakta hai jisse aapki life disturb hoti hai. Blogging me har pal ka aanand lene or safal hone ke liye aapko anushasan tod kar kabhi din me or kabhi raat me kaam karna padta hai.

6. Misunderstanding

Har blogger chahe wo kisi bhi topic par likhta hai uski koshish rahti hai ki wo apne readers ko sahi or important information provide kare but blogger bhi ek inshan hota hai or usse mistakes ho jati hai. Kuch log iska fayda utha kar use badnam karte hai. Ye chalega.

But kuch log ek blogger ke audience ke bich uske bare me jhoothi or galat bate bta kar use badnam karte hai. Usme wo kamiya btate hai jo usme hai hi nahi or jab us blogger ko iske bare me pata chalta hai to use bahut dukh hota hai. Ye bilkul nahi chal sakta.

Sabse buri bat ye hai ki ek blogger is sabko rok nahi sakta, Kyuki agar wo isko time dega to use blog or dusre kaam kaun dekhega. Ye ek serious problem hai.

7. Attitude and Learning

Blogging me social hone ke liye aapka logo ke sawalo ka jawab dena jaruri hai or iske liye aapko time chahiye. Agar aapke pas iske liye time nahi hai ti audience ise aapka attitude man kar aapko doshi bana dete hai. Unhe bas unke sawal ka jawab chahiye aapke pas time ho na ho.

Learning SEO, good content, new content, latest update and up to date in sabke liye aapke pas time hona chahiye but ek success blogger banne ke bad aapke pas time bahut kam hota hai. Agar aap aesa nahi karte ho to dusro se piche rah jaoge.

8. You Can't Work When You Feeling Not Well

Blogging aesa work hai, jab aap achha feel nahi kar rahe hote hai to aap content write nahi kar sakte. Iske liye aapko free or healthy hona jaruri hai. Jab kabhi aap busy hote hai ya fir aap bimar ho jate hai to aap blog manage nahi kar sakte. Aese me aapko income or traffic dono ka loss hoga.

Finally, blogging ke jitne fayde hai utne nuksan bhi hai. Jaha aap bahut paisa kama lete ho waha aapko health problem hoti hai or jaha aap celebrity ban jate ho wohi aapke apne se rishte kamjor ho jate hai. Ek blogger blog ke alawa apne dusre kamo ko time nahi de sakta.

Also read:

Aap ek blogger ho or aapke is bare me kya khyal hai wo aap comment box me bta sakte hai.

Avatar for Jumedeen Khan

मैं इस ब्लॉग का संस्थापक और एक पेशेवर ब्लॉगर हूं। यहाँ पर मैं नियमित रूप से अपने पाठकों के लिए उपयोगी और मददगार जानकारी शेयर करता हूं। ❤️

Comments ( 59 )

  1. Agar kisi karan was blog me kam nhi kr paye to kya hogo Sir. Ji
    Please ye jankari bhi de dijiye

    Reply
    • कुछ नहीं होगा, जब समय मिले तक कर सकते हो

      Reply
  2. acchi jaankari Aur Appne Kafi Acche Se Samjhaya Hai

    Reply
  3. Via apki Blogging Kya Hai a post parke parke mahine bohot kuch shika, thanks for Sharing.

    Reply
  4. Hello sir. I have started a new blog. I have published 23 articles. Are these enough or i publish some more articles for applying to adsense.

    Regards.

    Reply
    • Kafi hai bas ab traffic bhi kama lo.

      Reply

Leave a Comment

×